«Мире всем миром» аһымал акция
«Мире всем миром» аһымал акция Өрөспүүбүлүкэ күнүн көрсө балаҕан ыйын 26 күнүгэр Бэрдьигэстээххэ баһаартан эмсэҕэлээбит Мира Алексеева дьиэ кэргэнигэр анаммыт «Мире всем миром» аһымал акция ыытылынна. Күн устата араас хабааннаах тэрээһин тэрилиннэ. Нэһилиэккэ баар «MaattaHouse”, "Саһарҕа" сынньалаҥ дьиэлэргэ уонна Л.Е.Лукина аатынан оҕону эбии үөрэхтээһин киинигэр Мак-картаҕа, уруһуйга, гипсэнэн, мыыла, этнобраслет, брошь оҥоһуктарга маастар-кылаастары ыытан уопсайа 28100 солк киллэрдилэр. Барыта 40 киһи кытынна. Тарбахтарыгар талааннаах нэһилиэкпит олохтоохторугар Марина Жиркова5а, Людмила Дьяконова5а, Мария Иванова5а, Алена Антонова5а, Чера Андреева5а, Марфа Крылатова5а, Никита Алексеевка, Айна Васильева5а уонна дьиэ уларсыбыт Елизавета Агеева5а, Анна Платонова5а махтал тылбытын биллэрэбит. Мэхээлэ Дьөгүөрэп аатынан сынньалаң киинигэр ыытыллыбыт атыы-эргиэн дьаарбаҥкатыгар 16 тэрилтэ кыттан, 93135 солк киллэрдилэр. Манна көхтөөх кыттыыны ылбыт тэрилтэлэрбитигэр махтанабыт: нэһилиэк дьаһалтата, сынньалаҥ киинэ, музей, ыччат агентствота, ЖКС, ЦДО, ДШИ, Родничок детсад, лесхоз, Якутлесресурс, Авиалесоохрана, ветеринария, Сиинэ паарка, СШОР, ДЮСШ, ДИПИ. Саамай элбэх үбү киллэрбит холбоһуктаах тэрилтэҕэ –лесхоз, Якутлесресурс, Авиалесоохрана, ветеринария, Сиинэ паарка биир дойдулаахпыт, урбаанньыт Надежда Чой өйөөн 15 тыһ.солк. «У НИНО» грузинскай рестораҥҥа сертификат бэлэх уунна. Бэрдьигэстээх нэһилиэгин дьахталларын түмсүүтэ үгэс быһыытынан концертка кэлбит дьоҥҥо араас оттон чэйдэри уонна алгыстаах алаадьынан айах туттулар. Мира Петровна бииргэ алтыспыт доҕотторо, коллегалара, культуура эйгэтэ, оскуола коллективтара холбоһон аһымал концера бэрт сэргэхтик ааста. Концертка уопсайа 57 тыһ.солк.киирдэ. Ону таһынан, тэрилтэлэр, биирдиилээн дьон көмөлөрүн тиксэрдилэр: Васильева Анна Валерьевна – 5000 солк Бессонова Мария Николаевна – 1000 солк Ефремова Тамара Егоровна – 1000 солк Устинова Варвара Михайловна – 3000 солк Максимов Федор Саввич – 3000 солк В.В.Филиппов аатынан гимназия 9 а кылааһын үөрэнээччилэрэ – 5000 солк С.П.Данилов аатынан оскуола 8 в кылааһын үөрэнээччилэрэ – 2000 солк А.Н.Осипов аатынан оскуола – 8250 солк В.В.Филиппов аатынан гимназия – 15000 солк С.П.Данилов аатынан оскуола – 33000 солк Олоҥхо кэскилэ детсад – 8350 солк Кырачаан ымыы детсад – 10000 солк Солнышко детсад – 6000 солк Баһаарынай сулууспа – 13000 солк Социальнай киин – 35500 солк Нэһилиэнньэ дарыктаах буолуу киинэ – 2500 солк Улуус дьаһалтата – 35500 солк Сир уонна баай-дуол управлениета – 4000 солк Үөрэх управлениета – 5000 солк. Культура управлениета – 10000 солк Тыа хаһаайыстыбатын управлениета – 10000 солк Киин балыыһа – 50000 солк Сахаспецтранс – 4000 солк “Восток” эдэр сааһын доҕотторо – 8000 солк Барыта 278100 солк. «Мире всем миром» аһымал акцияҕа уопсайа 456 335 солк киирэн, Мира Петровна дьиэ кэргэнигэр улахан көмө оҥоһулунна, саҥа дьиэ тутталларыгар төһүү күүс буолар. Тэрээһиҥҥэ кыттыбыт бары тэрилтэлэрбитигэр, биирдиилээн дьоҥҥо барҕа махталбытын биллэрэбит. Махтанабыт акция5а ыҥырыыга кыттыспыт блогер кыргыттарбытыгар: Айгылаана Андреева5а, Вера Колесова5а, Валерия Левина5а, Оксана Колесова5а, Алена Михайлова5а, Елена Акйол, Куннэй Алексеева5а. Бу күн ыытылларыгар этии киллэрбит көхтөөх дьоммутугар Туяра Ксенофонтоваҕа, Туйгууна Терентьеваҕа хайҕал тылларын биллэрэбит. Норуот күүһэ – көмүөл күүһэ!