Администрация СП "Береляхский наслег" МР "Аллаиховский улус (район)" РС (Я)
Новости · 6 апреля 2026 г.
Муус устар 4 күнүгэр булчут, оттон 5 күнүгэр (бастакы баскыһыанньаҕа) аҕа күннэрин бэли... — 6 апреля 2026 г. в 13:34:45.403
Муус устар 4 күнүгэр булчут, оттон 5 күнүгэр (бастакы баскыһыанньаҕа) аҕа күннэрин бэлиэтиибит. Бу бэлиэ, дириҥ суолталаах күннэринэн – аҕа оруолун үрдэтии, оҕону итиигэ болҕомтону ууруу, оттон бултка аҕа ууһунан бултааһыҥҥа ыччаттары уһуйуу, саха киһитэ айылҕаттан бултаан иитиллэрин олорорун, былыр былыргыттан салҕанан кэлбит норуот үгэс буолбут дьарыгын өйдөтүү сыалынан буолар. «Гяван» ЭКК иһинэн, бүгүҥҥү тэрээһиҥҥэ хас биирдии аҕа, булчут төрөөбүт айылҕатын ытыктыах тустааҕын, айылҕа баайыгар – бэлэҕэр харыстабыллаахтык сыһыаннаһыахтааҕын, булт үтүө үгэстэрин, сиэрдэрин харыстаан, көлүөнэттэн көлүөнэҕэ тиэрдэргэ кыһаллыахтааҕын туһунан Прасковья Иванова «Булт сиэрэ – туома» диэн ис хоһоонноох бэсиэдэ ыытта. Оттон оҕолор аҕаларыгар анаабыт эҕэрдэлэрин тиэртилэр. Бу бэлиэ күннэринэн нэһилиэкпит аҕаларын, булт абылаҥар ылларбыт булчуттары, туундараны устатын – туоратын билбит, булду үлэ гыммыт, аатырбыт аҕа саастаах дьоммутун итиитик – истиҥник эҕэрдэлиибит! Баҕарабыт чэгиэн – чэбдик доруобуйаны, тус олоххутугар дьолу, тыа иччитэ Байанай эһигини өрүү арыаллыы, араҥаччылыы турдун!