Администрация СП "Береляхский наслег" МР "Аллаиховский улус (район)" РС (Я)
Новости · 27 апреля 2026 г.
Муус устар 27 күнүгэр, Бөрөлөөх нэһилиэгин олохтоохторо Саха өрөспүүбүлүкэтин күнүн өрө... — 27 апреля 2026 г. в 12:59:22.759
Муус устар 27 күнүгэр, Бөрөлөөх нэһилиэгин олохтоохторо Саха өрөспүүбүлүкэтин күнүн өрө көтөҕүүлээхтик бэлиэтээтилэр. Миитин сүрүн түгэнэ – Бөрөлөөхтөн төруттээх Евдокия Николаевна Гороховаҕа ананна. Нэьилиэк аҕа саастаах, ытыктанар дьонугар, элбэх оҕолоох – дьоруой ийэҕэ, үлэ бэтэрээннэригэр Елена Петровна Слепцоваҕа уонна Полина Спиридоновна Рожинаҕа Евдокия Николаевна Гороховаҕа анаммыт бүүһү арыйалларыгар чиэс бэрилиннэ. «Евдокия Николаевна Горохова – советский партийный и государственный деятель, Председатель Президиума Верховного Совета Якутской АССР, заместитель Председателя Президиума Верховного Совета РСФСР (1980 – 1985 гг.). Земляки всегда знали ее, как чуткого, скромного, ответственного и справедливого руководителя. Сегодня с теплотой вспоминаем и гордимся, что с именем нашей замечательной землячки связана республика» - с такими словами выступила и поздравила заместитель главы СП «Береляхский наслег» Надежда Игнатьевна Винокурова. Салгыы олохтоох дьаһалта баһылыгын С.С. Потапов суругунан эҕэрдэтин ааҕан иһитиннэрдэ. Анал байыаннай дьайыыга сылдьар дьоммутугар көмөтүн иһин «Народнай фронт» махтал суругун П.С. Рожинаҕа туттарда. «Евдокия Николаевна төрөөбүт сиригэр – Аллайыаха оройуонун уонна өрөспүүбүлүкэбит сайдыытыгар, дьонун үрдүк итэҕэлин ылан салайан олорбутуттан, үтүө аата Саха өрөспүүбүлүкэтин чулуу салайааччыларын кытта бииргэ ааттанарыттан киэн туттабын...» диэн бэйэтин санаатын эттэ Аллайыаха улууһун бочуоттаах олохтооҕо Полина Спиридоновна Рожина. Бу үөрүүлээх күнүнэн оскуола үөрэнээччилэрэ ырыаннан эҕэрдэлээтилэр. П.С. Рожина олохтоох ас атыытын дьаарбаҥкатын тэрийдэ. Өрөспүүбүлүкэбит туһанан кэпсиир кинигэ быыстапката тэрилиннэ. Бырааһынньыгы чэйдээн, сэһэргэһэн түмүктээтилэр.