Администрация СП "Береляхский наслег" МР "Аллаиховский улус (район)" РС (Я)
Новости · 21 июня 2026 г.
Сегодня в день национального праздника Ысыах в Республике Саха (Якутия), в Чкалов прове... — 21 июня 2026 г. в 08:39:10.326
Сегодня в день национального праздника Ысыах в Республике Саха (Якутия), в Чкалов провели Ысыах, посвященных Году единства народов России, Году культуры в РС(Я), 95 – летию Аллаиховского улуса, 80-летию Береляхской школы им. Е.Н. Гороховой, 80 - летию сельского клуба, 70 – летию сельской библиотеки, 65 – летию отделению «Берелях» совхоза «Аллаиховский». Сайыммыт кэлбитин уруйдаан, уот иччитин айах тутан, Айыылартан алгыс ылар сиэрин – туомун тутуһан, оһуокайдаан Үрүҥ Тунах ыһыаҕы үөрэ – көтө көрүстүбүт. Ыһыах түһүлгэтиттэн билиһиннэрдэххэ: «Саһарбыт хаартыскалар кэпсииллэр», хаартыскаларынан альбом оҥорон, кэпсээһиҥҥэ уонна «Астаах сандалы» киэргэлэ, аһын арааһа сыаналанан Слепцова Елена Петровна уонна Слепцова Вероника кыайыылаах буоллулар. «Уһун суһуох» - Марфа Хабарова, «Баһар баппаҕай» - Владислав Стручков, «Төрөөбүт дойдубут историятыттан» - Игорь Федоров. О5олорго хапса5айга Семен Уваровскай бастаата. Бары кыттааччылар анал бириистэринэн наҕараадаланнылар. Түһүлгэҕэ Чурапчыттан ыһаарыламмыт собону, Мэҥэ байтаһын биэтин этин, Амма кыынньар кымыһын, «Саюри» оҕурсутун, саламаат, алаадьы, ынах, сибииньэ, таба этиттэн бэрэскилэри, саха лэппиэскэтин, чыыр балыктан берүөк, дырыһааҥкы, уулаах отон утаҕа амсайдыбыт. Биһиги эмиэ, аҕыйах да буолларбыт Үрдүк Айыыларга сүгүрүйэн, кинилэртэн Алгыс ылан, баарбытын биллэрэн, сыт – сымар таһааран ыһыах ыстыбыт. Туундрабыт уһуктан, самаан сайыммыт саймаарыйа тыынан, чээлэй күөх көбүөрүн тэлгэтэн кэлбитинэн, дьоммутун – сэргэбитин үөрдэн оһуокайдаан уруйу-айхалы эттибит. Аар Айыыларбыт арчылаатыннар! Сэттэ Иэйиэхситтэрбит эҥэрдэстиннэр! Дом! Дом! Дом!