Администрация СП "Береляхский наслег" МР "Аллаиховский улус (район)" РС (Я)
Новости · 26 июля 2026 г.
Первый глава Береляхского наслега — 26 июля 2026 г. в 07:09:45.951
Первый глава Береляхского наслега (к 80-летию со дня рождения) Мы сегодня с теплом вспоминаем человека преданного родному краю, который жил и принимал важные решения для блага нашего наслега. Помним его светлый образ и благодарны ему за труд, за добрые дела и за наше село. Николай Егорович Рожин от ыйын 25 күнүгэр 1946 сыллаахха Аллайыаха оройуонун Бөрөлөөх нэһилиэгин «Акыйаан Сиэнэ» булт учаастагар күн сирин көрбүтэ. Оскуола кэнниттэн, 1965 сыллаахха Армия кэккэтигэр ыҥырыллан Псков куоракка сулууспалаабыта, ити сыл комсомол кэккэтигэр киирбитэ. Дойдутугар кэлэн баран сибээс отделениетыгар электромонтерунан киирэн, олоҕун иккис кэрдиис кэмин үлэһит буолан саҕалаабыта. 1970 сыллаахха сибээс начальнигынан анаммыта. 1971 сыллаахха ССКП чилиэнэ буолбута. Кэтэхтэн тыа хаһаайыстыбатын техникумугар үөрэнэн, зоотехник идэтин баһылаабыта. Кэлин Бөрөлөөх сельскэй Сэбиэтин бэрэссэдээтэлинэн, совхоз отделениетын управляющайынан, нэһилиэккэ бастакы баһылыгынан ананан элбэх сыратын, күүһүн, билиитин дойдутун туһугар анаабыта. Маны таһынан араас элбэх общественнай хамсааһыннары тэрийбит, үлэлэри сүкпүт киһиннэн биллэр. Кини көҕүлээһининэн оройуоҥҥа бастакыннан чөл олохтоох нэһилиэк буолбуппут. Араас художественнай самодеятельность тэрээһиннэрин күрэхтэригэр кыайыылаах сылдьарбыт. Николай Егорович үлэлээбит кэмнэригэр араас тутуулар тэтимнээххтик барбыт сыллара этэ, нэһилиэккэ хаһаайыстыбыннай ньыманнан балыыһа, кулууп, баанньык үлэҕэ киирбиттэрэ. 1969 сыллаахха олоҕун аналын Любовь Ивановна Егорованы көрсөн ыал буолбуттара, 3 оҕолонон иллээхтик олорбуттара. Николай Егорович 2006 сыллаахха бочуоттаах сынньылаҥҥа тахсыар диэри төрөөбүт – үөскээбит нэһилиэгин туһугар дьиҥнээх хаһаайын курдук олорбута. Төһөлөөх дьон кыһалҕаларын, нэһилиэк интэриэһин оройуон, өрөспүүбүлүкэ таһымыгар турорсан, көмүскээн үлэлээбитэ диэн эттэххэ дөбөҥ, бу иһигэр төһөлөөх ыарахаттары туораан, түбүктээх кэлиини – барыыны кыайан сылдьыбыта буолуой? Салайааччы быһыытынан нэһилиэгин олоҕун тупсарыыга, дьон санаатын түмэн үлэлээбит сырата, сүҥкэн тус кылаата умнуллубат. Үлэтин түмүгүн элбэх, араас таһымнаах наҕараадалар туоһулууллар. Николай Егорович баара буоллар 80 саастаах буолуо этэ. Кинилэр олохторун элбэх сиэннэр, хос сиэннэр салҕыыллар. Бөрөлөөх нэһилиэгин бэтэрээннэрин сүбэтэ.