🗳️101 яшьлек ветеран Тәфкил Вәлиев сайлау участогына үзе килеп тавыш бирде — 18 сентября 2026 г. в 09:34:16.734

🗳️101 яшьлек ветеран Тәфкил Вәлиев сайлау участогына үзе килеп тавыш бирде Актаныш районының Югары Яхшы авылындагы 630 нчы сайлау участогында бүген үзенчәлекле сайлаучы белән очраштык. Бирегә 101 яшьлек Бөек Ватан сугышы ветераны Тәфкил Вәлиев тавыш бирергә килде. Сайлау участогында Тәфкил абый белән аралашып, аның бирегә нинди ният белән килүе турында сораштык. Ветеран, гадәттәгечә, үзенә хас ихласлык белән җавап бирде. — Аллаһка шөкер, бик күңелле, бик матур тормыш итәбез. Бар нәрсә җитеш, мул! Безгә, олы кешеләргә үз вакытында пенсияләребезне бирәләр, — ди өлкән буын өчен аеруча мөһим булган социаль мәсьәлә турында утлар-сулар кичкән ветеран. 630 нчы сайлау комиссиясе рәисе Әлфир Флүнов Тәфкил бабайга өлкән сайлаучы буларак бүләк тапшырды, үз аяклары белән сайлауларга йөрүе өчен рәхмәт белдерде. Тулырак: https://aktanysh-rt.ru/news/bu-mim/101-iaslek-veteran-tafkil-valiev-sailau-ucastogyna-uze-kilep-tavys-birde