Актанышта 15 октябрьдә нинди һава торышы көтелә?
Актанышта 15 октябрьдә нинди һава торышы көтелә? 15 октябрьдә Актаныш районында болытлы, әмма чагыштырмача җылы һава торышы көтелә. Синоптиклар фаразынча, көндез һава температурасы +18 градуска кадәр күтәрелергә мөмкин. Көньяк-көнчыгыштан искән җилнең тизлеге секундына 10 метрга кадәр җитәчәк. Төнлә һәм иртән урыны белән аз гына яңгыр явуы ихтимал. Татарстанда әбиләр чуагы дәвам итә. 13 октябрьдә Казанда һава температурасы +22,3 градуска җитеп, 1896 елда теркәлгән рекорд яңартылды. Көзнең җылы көннәреннән файдаланып калыгыз, әмма иртән һәм кичен җылырак киенергә онытмагыз!
645 просмотров