🍃🍃🍃🍃🍃🍃🍃🍃🍃🍃 — 28 июня 2026 г. в 09:13:03.396
🍃🍃🍃🍃🍃🍃🍃🍃🍃🍃 Хоту көһөрүллүү кыттыылааҕа, Саха АССР бастыҥ ыанньыксыта, Чурапчы улууһун Арыылааҕыттан төрүттээх, Бахсы нэһилиэгэр сүктэн кэлбит, Алаҕар нэһилиэгэр олохсуйбут Прасковья Семеновна Сыромятникова – Боккуойа 105 сааһын көрсө дьахталларга хамаанданан эстафета балаһыанньата: 📍Эстафетаҕа сааһыттан тутулуга суох, Алаҕар, Бахсы, Арыылаах нэһилиэктэрин дьахталлара кытталлар. 📍Хамаанда 5 киһиттэн турар. Хамаандалартан ирдэнэр: - биир тэҥ былаат. 🟢1 түһүмэх - алаадьы буһарыыта. Хамаандаҕа 300 мл үүт бэриллэр. Бу үүттэн тиэстэ мэһийэн, ким төһө түргэнник буһаран бүтэрбит кыайыылаах буолар. Хамаандаттан ким, хас киһи кыттара, көмөлөһөрө хааччаҕа суох. Буһарбыт алаадьыларын ыалдьыттарга күндүлүүллэр. Хамаанда үүттэн атын продуктатын, буһарар, туттар малын бэйэтэ илдьэ кэлэр. 🟢 2 түһүмэх – сэппэрээтэр хомуйуу Хамаанда дьоно бары кытталлар. Сэппэрээтэри биирдии чааһынан хомуйаллар. 5 м тэйиччи тураллар. Төттөрү таары сүүрэн кэлэн хомуйан иһэллэр. Хамаандаларга биирдии халаат бэриллэр, бу халааты атастаһан кэтэн иһэллэр (халаат быатын бааннаҕына эрэ салҕыы хомуйа барар). Эрдэ уонна сөпкө хомуйан бүтэрбит хамаанда кыайыылаах буолар. Биир эмэ чааһа сыыһа угуллубут түгэнигэр, уопсай бириэмэлэригэр штрафной 1 мүнүүтэ эбиллэр. Хамаанда 9 күөрчэхтээх сэппэрээтэрин бэйэтэ илдьэ кэлэр. 🟢 3 түһүмэх – быа өрүүтэ. Хамаанда дьоно бары кытталлар. Анал бэриллибит быаны хас биирдии кыттааччы үс утаҕынан 30 сөкүүндэ иһигэр өрөр. Уопсай түмүк: хамаанда чилиэттэрэ бары бэриллибит бириэмэ иһигэр төһөнү өрбүттэринэн кыайыылаах быһаарыллар. 🟢 4 түһүмэх – ынах ыаһына Хамаанда дьоно бары кытталлар. 5 миэтэрэ тэйиччи тураллар. Резиновай перчатканы одноразовай стаканынан уу кутан толороллор уонна биэдэрэҕэ сүөкээн иһэллэр. Хамаандаларга биирдии халаат бэриллэр, бу халааты атастаһан кэтэн иһэллэр (халаат быатын бааннаҕына эрэ салҕыы барар). Түмүк: биэдэрэҕэ саамай элбэх ууну куппут хамаанда кыайыылаах буолар. 🟢 5 түһүмэх – үтүлүк тигиитэ Хамаанда дьоно бары кытталлар. 1 киһи – кумааҕыга уруһуйдаммыт лекаланы быһар 2 киһи – ол лекалаларынан таҥаска киэбин түһэрэр 3 киһи – киэби кырыйар 4 киһи – инньэҕэ сап угар 5 киһи – үтүлүгү тигэр. Түмүк: сиигэ көнөтө, хаачыстыбата уонна бириэмэтэ түргэнэ ааҕыллар. 🟢 6 түһүмэх – үтүмэх сүүрдүүтэ. Хамаанда дьоно бары кытталлар. 5 м тэйиччи тураллар. Бэриллибит уһун маһы маһынан анньан бэйэ-бэйэҕэ тиэрдэн иһэллэр. 🏆1 миэстэ – 40 000 солк. уу харчынан. 🏆2 миэстэ – 30 000 солк. уу харчынан. 🏆3 миэстэ – 20 000 солк. уу харчынан. 📍Тэрийээччилэр: Прасковья Семеновна Сыромятникова – Боккуойа оҕолоро, сиэттэрэ, хос сиэттэрэ ☎️ Б.н: 8 (914) 224-30-58 (Сивцева П. Ф)