Еңеүҙең 50 йыллығы” боҙватҡысында сәйәхәттә йөрөгәндә уҡыусылар һәм студенттар ғалимда...
Еңеүҙең 50 йыллығы” боҙватҡысында сәйәхәттә йөрөгәндә уҡыусылар һәм студенттар ғалимдар менән бергә уникаль һынауҙарҙа ҡатнашҡан: - Арктиканың төпкөл төбәктәрендә элемтәне көйләү өсөн радиозонд осорғандар; - экологияны күҙәтеү маҡсатында донъяла тәүге тапҡыр, стратосфераға күтәрелеп, кире әйләнеп ҡайта алған платформаны һынағандар. Балалар өсөн иҫ киткес ҡыҙыҡлы саралар ойошторолған, көтөлмәгәнектәр ҙә булған: - билдәле ғалимдарҙың лекцияларын тыңлағандар, оҫталыҡ дәрестәрендә , дискуссияларҙа ҡатнашҡандар; - 90 градус нөктәһе тирәләй боҙ өҫтөндә “Ай Йола” төркөмө йырҙарына дуҫлыҡ әйлән-бәйләнендә өйөрөлгәндәр; - судноның ҡалын боҙҙо шытырҙатып вата-вата йөҙөүенә шаһит булғандар, штормға эләккәндәр, төньяҡ ҡоштары баҙарының шау-гөр килгәнен тыңлағандар; - төнгө 12-се яртыла (әле унда ҡараңғы төшмәй тиерлек, поляр көн бара) боҙватҡыс борты эргәһенә үк килгән Арктика хужаларын – аҡ айыуҙарҙы күҙәткәндәр, фотоға төшөргәндәр; - “Россия-1” телеканалына һәм “Маяк” радиостанцияһына тура эфирға (30 йылда тәүге тапҡыр!) сыҡҡандар; - киләсәккә профессия һайлау тураһында һөйләшеүҙәр, консультациялар, тестар үтелгән. “Росатом” эксперттары менән һөйләшеү һәм уларға белемдәреңде күрһәтеү иң ҡатмарлыһы булған. Рейс һыу өҫтө судноһында бөтә меридиандар тоташҡан урынға еткән 200-сө экспедиция булараҡ тарихҡа ингән. Ғилми-ағартыу проекты “Росатом” корпорацияһы булышлығында тормошҡа ашырыла. Донъялағы берҙән-бер атом боҙватҡыс флоты – Рәсәйҙә, ул 8 атом боҙватҡысынан тора. Экспедиция талантлы балаларға атом боҙватҡысының ҡеүәтен күреү һәм Рәсәй атом тармағының фәнни-технологик эшләнмәләре менән танышыу мөмкинлеген бирә. Фото: Росатом сайтынан.