"ТатАрчаҖәй-Дуслык" белем бирү лагерының беренче сменасы тәмамланды. — 18 июля 2026 г. в 05:59:13.085
"ТатАрчаҖәй-Дуслык" белем бирү лагерының беренче сменасы тәмамланды. Арча педагогика көллияте базасында урнашкан әлеге лагерьда 18 көн дәвамында Россиянең 22 төбәгеннән (Әстерхан, Волгоград, Киров, Мәскәү, Түбән Новгород, Оренбург, Пенза, Самара, Сарытау, Свердловск, Томск, Төмән, Чиләбе өлкәләре; Красноярск, Пермь һәм Ставрополь крайлары; Башкортстан, Марий-Эл, Удмуртия һәм Татарстан районнарыннан) килгән 176 мәктәп укучысы ял итте. - Ел саен лагерьның географиясе киңәя бара. Татар мохитендә үсмәгән, татар телен аңламаган балалар да бар. 18 көн эчендә ким дигәндә илле сүз өйрәнеп китсәләр дә, бу зур нәтиҗә, - дигән иде лагерьны ачу тантанасы алдыннан лагерь җитәкчесе Алинә Мөхәммәтгалиева. Ул көнне балаларны читтән генә күзәтеп тордым. Ни дисәң дә, чит җир, чит мохит, әлегә ят кешеләр. Арада ниндидер бер киеренкелек сизелә иде. Ябылу тантанасына килгәч, бөтенләй икенче күренеш күзгә ташланды. Балалар үзләрен иркен тота, бер-берсе белән күптәнге дуслар кебек аралаша, әйдаманнарга якын туганнары кебек карый. Ә күзләрендә ут уйный, бәхетле балачак ялкыны кабынган һәм нурга күмелгән, диярсең. Тулырак: https://arskmedia.ru/news/rayon-yaalyklary/kunelegezda-matur-taesirlar-kaldyrsyn