Апэрэу тиреспубликэ к1элэц1ык1у-ныбжьык1э театральнэ купхэр зыхэлэжьэгъэхэ зэнэкъокъу л... — 29 апреля 2026 г. в 07:39:24.889
Апэрэу тиреспубликэ к1элэц1ык1у-ныбжьык1э театральнэ купхэр зыхэлэжьэгъэхэ зэнэкъокъу лъэпкъ театрэм щык1уагъ. К1эщак1о ащ фэхъугъэр адыгабзэм икъэухъумэнрэ изэгъэш1энрэ адэлэжьэрэ Проектнэ офисыр ары. Тиныдэлъфыбзэк1э 1офтхьабзэр рек1ок1ыгъ ык1и республикэм ирайон пстэуми къарык1ыгъэ куп пш1ык1ущ зэфихьысыгъ. Къек1ол1эгъэ пстэуми ухьазырныгъэ дэгъу къагъэлъэгъуагъ. Ауми тек1оныгъэ къыдэзыхыгъэ купищ осэш1 купым къыгъэнэфагъ. Апэрэ ч1ып1эр адыгэ республикэ гимназием щеджэхэрэм афагъэшъошагъ. Къуаджэу Нэшъукъуае исабыйхэр ят1онэрагъэх, ящэнэрэ ч1ып1эр къыдэзыхыгъэр Къэбэхьаблэ щыщ "Тэрпэзанхэр" ары. Зэнэкъокъум тек1оныгъэ къыщыдэзыхыгъэхэм тафэгуш1о, къыхэлэжьэгъэ пстэуми, сабыйхэр зыгъэхьазырыгъэ к1элэегъаджэхэми "Тхьашъуегъэпсэушхо" ятэ1о!