Улуу Кыайыы 81 сылын көрсө оскуолабыт уонна Кыайыы пааматынньыгын ыраастыыр субуотунньу... — 8 мая 2026 г. в 01:45:27.316
Улуу Кыайыы 81 сылын көрсө оскуолабыт уонна Кыайыы пааматынньыгын ыраастыыр субуотунньукка үөрэнээччилэр, тэрилтэ үлэһиттэрэ уонна дэриэбинэ олохтоохторо бүттүүн тахсан көхтөөхтүк кытынныбыт. Бу күн оҕолуун-уруулуун, эдэрдиин-эмэнниин бары биир сомоҕо буолан, пааматынньык тула хомуйуу, сууйуу-сотуу үлэтин ыыттыбыт. Эр дьон техниканан улахан бөхтөрү хомуйдулар, оттон оҕолор кыайыы суолтатын өйдөөн, улахан дьонтон холобур ылан, үлэҕэ көхтөөхтүк кытыннылар. Субуотунньук кэнниттэн бары бииргэ хаартыскаҕа түһэн, өйдөбүнньүк хааллардыбыт. Тэрээһин түмүгэр Кыайыы пааматынньыга ырааһыран, киэркэйэн, нэһилиэкпит биир ытык сирин быһыытынан өссө үрдүк суолталанна. Маннык тэрээһиннэр көлүөнэлэр ситимнэрин бөҕөргөтөллөр, оҕолорго патриотизм тыынын иҥэрэллэр уонна Улуу Кыайыы суолтатын өйдүүргэ, ытыктыырга үөрэтэллэр. Тэрээһиҥҥэ кыттыбыт дьоҥҥо барыларыгар махтанабыт! 🌿