Олы Мәңгәр авыл китапханәсендә республика көне уңаеннан "Мин яратам сине Татарстан" дип... — 31 августа 2026 г. в 13:28:09.349
Олы Мәңгәр авыл китапханәсендә республика көне уңаеннан "Мин яратам сине Татарстан" дип исемләнгән чара үткәрелде. Очрашуның махсус кунагы авылдашыбыз, контракт нигезендә әле 2020 елда ук хәрби хезмәткә алынган, соңрак хәрби операциянең беренче көненнән ел ярым шунда катнашкан, бүгенге көндә Волжск хәрби югары уку йортының IV курс студенты - Шакиров Айрат Альберт улы булды. Шулай ук чарада авыл җирлеге рәисе Фәридә Фаяз кызы, мәдәният йорты мөдире Гөлсинә Гадил кызы, мәктәпнең тәрбия буенча директор киңәшчесе Зәлия Хәмит кызы һәм авылыбыз балалары катнашты. Чара барышында балалар белән илебезнең көннән-көн чәчәк атуы, ныклы дәүләт буларак чит илләрдә танылуы, Рәсәйнең иң ышанычлы, тотрыклы төбәгенә әверелә баруы турында сөйләштек. Барыбыз өчен матур да, кадерле дә булган дәүләтебезне исән-имин килеш саклап тору кирәклеген ачыкладык. Айрат абыйлары баларга илебезне ничек саклаулары, кемнәр нинди хезмәт куюлары турында сөйләде. Туган илебезне яратырга, кечкенәдән Ватанны саклаучыларның алмашчылары булырга әзерләнеп үсәргә киңәш итте. Кунагыбызга балалар кызыклы сорауларын бирделәр, матур теләкләр теләделәр. Ахырдан бергәләшеп "Татарстанны беләсеңме?" викторинасында катнаштылар. Очрашу барлык катнашучылар өчен дә бик кызык һәм файдалы булды.