Мин хыялый кеше инде шундый,
Мин хыялый кеше инде шундый, Әллә ниләр уйлап йөрим дә - Шул уйларым бер чынбарлык булып Тоела башлый минем күңелгә. Җаннарымда кайчак көтмәгәндә Шатлык туа һичбер сәбәпсез. Андый чакта миңа башкалар да Яши кебек кайгы - хәсрәтсез. Мин сөйгәннәр мине дә сөяр кебек, Минем кебек өзелеп, ут йотып - Бу дөньяда мәхәббәтттән кала Бөтен нәрсәләрне онытып. Бәхетем булса - бар да бәхетле күк, Уңышым булса - бар да җиңүче. Таза булсам - бар да сау - сәламәт, Юктыр кебек авырыйм диюче. Мин хыялый кеше инде шундый, Үз уемнан үзем исерәм; Матурлыгым булса - бөтенесен, Кешеләр, мин сезгә күчерәм. Сез алыгыз, бер дә тартынмыйча, Сез алыгыз сайлап кирәген, Миңа җитәр, үземә калса әгәр Мәхәббәтттән тулы йөрәгем. Фәнис ЯРУЛЛИН.
3 987 просмотров