Кәбестәне 3 литрлы банкага тозлыйм. 3 көндә әзер була.
Кәбестәне 3 литрлы банкага тозлыйм. 3 көндә әзер була. 5 кг кәбестәне турыйм, 2 кишерне эре угычтан уам. Кишер төс бирү өчен генә, күп кирәкми. Тоз 1 кг кәбестәгә 20 г (1 аш кашыгы) исәбеннән кушыла, ягъни 5 кг га - 100 г тоз салына. Зур савытта яхшылап болгатам, умыйм, алайса кетердәми ул. Кәбестәнең сусыл чагы, банкага тыгызлап тутырганда суы чыга. Бөтен хәйләсе дә шунда, тыгызлап тутырганда өстенә үк суы чыга, авыр әйбер белән бастырасы да юк. Көнгә берничә тапкыр суши таякчыгы белән тишкәләп һавасын чыгарам. Банканы тирән тәлинкәгә утыртыгыз, әчегәндә суы тагын да арта, азрак түгеләчәк. Әзер булу билгесе - суы кимү, димәк, ферментация тәмам. Кәбестә йомшармый, лайлаланмый, кетердәп торырлык итеп әчи. Өч көн өйдә җылыда тора, дүртенче көнне суыткычка куям. Суган турап, үсемлек мае өстәп ашыйбыз. Бик тәмле, файдалы. max.ru/bakchada