Гуманитар ярҙам.
Гуманитар ярҙам. Уттар эсендә йөрөйбөҙ, Бер дан полк - оло төркөм. Күңелдәргә өмөт өҫтәй, - Яңы тыуған һәр бер көн! Һеҙҙе уйлап, юҡһынабыҙ, Яҡташтар, ауылдаштар. Һағындыра ауыл сәйе, Ҡоротло, ҡайнар аштар! Иҫкә төшә ауылдағы Миндекле, парлы мунса. Һалҡын окоп төптәрендә Ҡулдар, аяҡтар туңһа. Шөкөр, беҙгә, башҡорттарға Ярҙам күрһәтә халыҡ. Ойоҡбаштар, бейәләйҙәр, Кемдер ебәргән һалып. Ошо изге эштәрегеҙ Күтәрә күңелдәрҙе. Утлы пуляларҙан һаҡлай, Оҙонайта ғүмерҙәрҙе! Һеҙ уҡыған һәр бер доға Аралай әжәлдәрҙән. Кешелеклек ҡоролған ул, - Тик изге ғәмәлдәрҙән! Рәхмәт һеҙгә ватандаштар, Рәхмәт апай, инәйҙәр. Ҡулды түгел, күңелдәрҙе Йылыта бейәләйҙәр! Өмөттәрҙе өҙмәйексе, Әле иң ауыр саҡтар. Бер саҡта ла бирешмәгән Башҡорттар, аҫыл заттар! Тыуған илебеҙҙе һаҡлау, Беҙҙең бурыс, һүҙҙәр хаҡ. ...Улдарыңды тере килеш, - Көтөп алсы, тыуған яҡ! Рамай Ҡаһир Фотола: Миәкә районы Тәүкәй-Ғәйнә ауылы ирекмәндәре гуманитар ярҙам әҙерләй.