Башҡортостан ҡыҙы

Һөйөнсө!💐 Кисә Салауат Юлаев премияһының быйылғы лауреаттары билдәле булды. Абруйлы премияға лайыҡ булыусылар араһында коллегабыҙ, "Ағиҙел" журналының баш мөхәррире , Башҡортостандың халыҡ яҙыусыһы Мөнир Ҡунафин да бар. Премия Мостай Кәрим исемендәге Милли йәштәр театрында ҡуйылған «Бер ғүмер етмәй икән» спектакле өсөн бирелгән. Указға Башҡортостан Башлығы Радий Хәбиров ҡул ҡуйған.. Ихлас күңелдән ҡотлайбыҙ! Яңынан-яңы ижади уңыштар, еңеүҙәр, башҡорт рухиәте һағында тағы ла оҙаҡ йылдар арымай-талмай хеҙмәт итеүегеҙҙе теләйбеҙ!

инәйемде хөрмәт итәбеҙ, уның әйткән һүҙҙәре барыбыҙға ла майҙай һеңеп тора. Биш ҡыҙҙан тыш, биш кейәү - һәр ҡайһыһына һүҙе үтә: һыя, хөрмәт итәләр. 21 ейән-ейәнсәре, 17 бүлә-бүләсәре – инәйемдең ҡыуаныстары. Беҙҙең балалар “бәләкәй өләсәй” тип яратып өндәшәләр. Инәйем “бәләкәй” тигән һүҙгә бер ҙә үпкәләмәй генә, беҙҙең балаларға ла өләсәйлек йылыһын өләште, өләшә.....

КОНКУРСҠА💥💥💥 💫“Быуындар бәйләнеше” конкурсында яңы ҡатнашыусы. Бөрйән районынан Рузалия Ҡаһарманова. Ул инәйе Йәнбирҙина Фәғилә Һиҙиәт ҡыҙы тураһында яҙмаһын ебәргән. Инәйҙең балалары, ейән-ейәнсәрҙәре, бүлә-бүләсәрҙәре бар. Оҙон ғүмер юлын үткән инәй хаҡында Рузалиә Ҡаһарманова түбәндәгеләрҙе бәйән итә: “Бөрйән районы Ҡотан ауылында йәшәүсе Йәнбирҙина Фәғилә Һиҙиэт ҡыҙына ошо көндәрҙә 93 йәш тула. Ысынлап та, инәйемә ҡараһаң, әле ул йәште бирерлек түгел. Аллаға шөкөр, үҙ зиһенендә, күҙе яҡшы күрә, үҙ аяғында йөрөй хатта "Таң" гәзитен дә күҙлекһеҙ уҡый... Бөгөнгө көндә бөткән ауыл иҫәбендә торған, Иҫке Тарыуал ауылы ҡыҙы ул инәйем. 1933 йылда йәйҙең матур көнөндә бар тәбиғәтте уятып, Тарыуал яланын яңғыратып, Һиҙиэт менән Мәхмүзәнең ғаиләһендә икенсе бала булып донъяға ауаз һалған у…

Башҡортостанда йондоҙҙар ямғыры көтөлә💥💥💥💥💥💥 Башҡортостанда йәшәүселәр октябрь башында Драконидтың метеор ағымын күреү бәхетенә ирешәсәк. Ағымды 6 октябрҙән 10 октябргә тиклем күҙәтергә була, ә Драконидтың метеор ағымының иң әүҙем мәле 8 октябрҙән 9-ына ҡарай төндә буласаҡ. Метеорҙар Ер шары Джакобини-Циннер кометаһы киҫәктәренең ағымы араһынан үткәндә күренәсәк. Улар сағыштырмаса яйыраҡ хәрәкәт итәсәк (секундына 20 саҡрым) һәм һарғылт йәки ҡыҙғылт төҫтә буласаҡ. Быйыл күҙәтеү өсөн шарттар бигерәк тә яҡшы буласаҡ. Күктә яңы Ай ҡалҡыуы көтөлә һәм ул тик таңға ҡарай ғына күренәсәк. Шуға күрә метеорҙарҙы Ай нурҙары һүрәнәйтә алмаясаҡ. Өфө планетарийы хеҙмәткәрҙәре Драконидты ҡаланан ситтә күҙәтергә тәҡдим итә. Метеорҙар күк йөҙөнөң төрлө ерҙәрендә күренәсәк. Күҙәтеү өсөн …

БАУЫРҘАН ТОРТ 🍮 ✅500 г бауыр ✅2 баш һуған ✅1 стакан ҡайнаған һөт ✅3 йомортҡа ✅тоҙ, борос ✅4-5 ҡалаҡ көнбағыш майы ✅ярты стакан он Бауыр менән һуғанды ит үткәргестән сығарабыҙ , һөттө ҡайнатып һыуытабыҙ ҙа ҡушабыҙ, йомортҡа, көнбағыш майы, тоҙ, борос, он һалып, барыһын бергә яҡшылап болғайбыҙ. Килеп сыҡҡан массаны ҡоймаҡ ҡойған кеүек йоҡа ғына итеп табала бешерәбеҙ (ҡапҡасын ябырға онотмағыҙ). 7-8 шт сыға (26 см диаметрында). Эслек: ✅ 2 баш һуған ✅ 2-4 кишер (эре булһа, 2-ү ҙә етә) ✅ ҡаймаҡ йә майонез - 200 г ✅ 2 теш һарымһаҡ ✅ тоҙ, борос, базилик, петрушка кеүек тәмләткестәр Һуған менән кишерҙе табала ҡыҙҙырабыҙ, ҡаймаҡ (майонез) һәм һарымһаҡ менән бергә ҡушып болғатабыҙ, торт йәймәләре араһына һылайбыҙ. Тортты эҫе килеш йыйғанда, эслеге һеңеп, тәмле һәм һутлы була…