С.С.Васильев-Борогонскай аатынан улуустааҕы киин библиотекаҕа Россия күнүн көрсө эдэр г... — 12 июня 2026 г. в 00:23:37.311
С.С.Васильев-Борогонскай аатынан улуустааҕы киин библиотекаҕа Россия күнүн көрсө эдэр гражданнарга пааспары туттарыы үөрүүлээх тэрээһинэ ыытылынна. “Мин – Россия гражданинабын” диэн бырайыак “Биир Ньыгыл Россия” партия улуустааҕы исполкома, кииннэммит библиотека тиһигэ, федеральнай миграционнай сулууспа, “Мин докумуоннарым” элбэх өҥөнү оҥорор киин, “Бастакылар хамсааһыннара” тэрийиилэринэн ыытыллар. Тэрээһин Россия күнүн биллэриллибит историятын оҕолорго билиһиннэрииттэн саҕаланна. “Мин докумуоннарым” элбэх өҥөнү оҥорор киин специалиһа Мария Александровна Ущницкая, паспортнай миграционнай сулууспа улуустааҕы отделын салайааччыта Герман Максимович Андросов кыттыыны ыллылар, оҕолорго пааспардары, махтал суруктары, өйдөбүнньүк бэлэхтэри туттардылар, үтүө-баҕа санааларын эттилэр, өйдөбүнньүк хаартыскаҕа түстүлэр.