Бүгүн бэс ыйын 17 күнүгэр, В.А.Протодьяконов -Кулантай аатынан уус-уран тыл түмэлигэр с... — 17 июня 2026 г. в 07:38:56.383
Бүгүн бэс ыйын 17 күнүгэр, В.А.Протодьяконов -Кулантай аатынан уус-уран тыл түмэлигэр сахалыы тылынан тахсар саамай кырдьаҕас "Чолбон" сурунаал төрүттэммитэ 100 сылынан тэрээһин ыытылынна. Күн бастакы аҥарыгар литература "Проза" уонна "Поэзия" салааларыгар маастар кылаастары ыыттылар. Ол курдук, "Проза" салаатын прозаик, тылбаасчыт, Россия суруйааччыларын сойууһун, Саха сирин суруйааччыларын сойууһун чилиэнэ, СӨ үтүөлээх суруналыыһа, А.И.Софронов аатынан уопсастыбаннай бириэмийэ лауреата, "Чолбон" сурунаал бас эрэдээктэрин солбуйааччы Данил Макеев уонна "Поэзия" салаатыгар поэт, публицист, тылбаасчыт, Россия суруйааччыларын сойууһун, Саха сирин суруйааччыларын бырабылыанньатын чилиэнэ, СӨ культураҕа уонна бэчээккэ туйгуна, "Наш современник" сурунаал Ю.П. Кузнецов аатынан бириэмийэтин лауреата, "Чолбон" сурунаал бас эрэдээктэрэ Гаврил Андросов салайан ыыттылар. Бу тэрээһиҥҥэ кииннэммит библиотека тиһигин дириэктэрэ Лена Павлова, "Уһуктуу" литературнай түмсүү салайааччыта Галина Аммосова кытыннылар. Дьоро күн иккис чааһыгар дьон сэҥээриитин ылбыт "Чолбон" өркөн өй күрэһигэр 7 хамаанда түөрт түһүмэххэ илин-кэлин түһүстүлэр. С.С.Васильев- Борогонскай аатынан киин библиотека "Дьулуур" хамаандатыгар "Алгыс" кыраайы үөрэтэр отделтан Ольга Павлова, Мария Заболоцкая, ЦЭР отделыттан Саргылана Алексеева тэрилтэ чиэһин ситиһиилээхтик көмүскээтилэр. Эҕэрдэлиибит!