Бүгүн от ыйын 16 күнүгэр Бороҕоҥҥо, Саха Өрөспүүбүлүкэтин култуураҕа уонна духуобунаһы ... — 16 июля 2026 г. в 10:36:55.235
Бүгүн от ыйын 16 күнүгэр Бороҕоҥҥо, Саха Өрөспүүбүлүкэтин култуураҕа уонна духуобунаһы сайыннарыыга миниистирэ, Афанасий Иванович Ноев биир идэлээхтэрин кытта көрүстэ. Арасссыыйаҕа биллэриллибит норуоттар сомоҕолоһууларын, Саха сиригэр култуура сылларын чэрчитинэн 2026 сыл бастакы аҥарыгар ыытыллыбыт үлэни-хамнаһы билиһиннэрдэ. Бу уустук кэмҥэ нэһилиэнньэ ортотугар култуура үлэһиттэрин ыытар сырдатар, дьон олоххо көҕүн үрдэтэр, билиитин хаҥатар үлэни ыытар суолтатын ыйда. Маннык атах тэпсэн олорон кэпсэтии, миэстэтигэр баар кыһалҕалары быһаарсыы үлэ көрдөрүүтэ таһаарыылаах буоларыгар туһалааҕын ыйда. Афанасий Иванович Уус Алдан улууһугар быыс булан кэлэн көрсүбүтүнэн бииргэ үлэлиир коллегалара махталларын тиэртилэр, сыралаах үлэтигэр ситиһиилэри баҕардылар.