🔹 Бүгүн Уус Алдан улууһугар Саха Өрөспүүбүлүкэтин култуураҕа уонна духуобунай сайдыыга... — 16 июля 2026 г. в 05:16:37.683
🔹 Бүгүн Уус Алдан улууһугар Саха Өрөспүүбүлүкэтин култуураҕа уонна духуобунай сайдыыга миниистирэ Афанасий Ноев үлэлиир. Миниистир оробуочай сырыыта Суотту нэһилиэгиттэн, Ленатааҕы “Доҕордоһуу” судаарыстыбаннай история-архитектура түмэлиттэн саҕаланна. Министэристибэ оробуочай бөлөҕө Суоттутааҕы “Мичээр” сынньалаҥ киинигэр, онтон Баатаҕай нэһилиэгэр С.Ф. Сивцев аатынан “Түмэн” норуот айымньытын киинигэр сылдьыаҕа, эбиэт кэнниттэн улуус киинигэр Бороҕоҥҥо култуура үлэһиттэрин кытта көрсүөҕэ уонна тимир, көмүс уустара Андриан Колесов, Прокопий Колодезников үлэлэрин билсиэҕэ, салгыы Бэрт Ууһун нэһилиэгэр А.П. Иванов аатынан Сыырдаахтааҕы норуот айымньытын киинин кэлэктиибин кытта көрсөн, Бэрт Ууһун уустарын кыһаларыгар сылдьыаҕа, Өлтөх нэһилиэгэр А.П. Петров аатынан Бэйдиҥэтээҕи норуот айымньытын киинин үлэтин билсиэҕэ. 📲Мах-каналбытыгар сурут ⬇️ https://max.ru/join/3C9ZQLhT3NOAcTqvoqV7q1JihA40sSL8ZGoFY5jwqMU 🌐мюрюгазета.рф ✅ @uamurusahargata @ulusmedia