Уус Алдан улууһун Оҕо библиотекатын сэбидиссэйэ, СР культуратын туйгуна Портнягина Вера...
Уус Алдан улууһун Оҕо библиотекатын сэбидиссэйэ, СР культуратын туйгуна Портнягина Вера Алексеевна "Саха өрөспүүбүлүкэтигэр библиотека дьыалатын сайдыытыгар кылаатын иһин” анал бэлиэнэн наҕараадаланна. Вера Алексеевна оҕо ааҕыытын сайдыытыгар сүҥкэн кылаатын киллэрбит, үлэтигэр бэриниилээх салайааччы. Кини салайар библиотеката бүгүн өрөспүүбүлүкэ бастыҥ библиотекаларыттан биирдэстэринэн ааҕыллар. Быйыл модельнай муниципальнай библиотекалары тэрийиигэ ыытыллыбыт күрэх түмүгүнэн кыайыылаах тахсан, 2027 сылга федеральнай субсидияны ылыаҕа. Уус Алданнааҕы Оҕо библиотекатын 65 сыллаах устуоруйата - бу дьон үлэтинэн ситиһиллибит улахан суол. Вера Алексеевна үтүө үгэстэри салҕаан, библиотеканы оҕолорго саамай интэриэһинэй уонна аныгы кэмҥэ сөп түбэһэр сир оҥордо. Күндү коллегабытын үрдүк наҕараадатынан итиитик-истиҥник эҕэрдэлиибит! Өссө да үрдүк дабайыылары, махталлаах ааҕааччылары, үлэҕэр өссө да үрдүк ситиһиилэри баҕарабыт! https://uacbs.ru/uus-aldan-uluu%D2%BBun-o%D2%95o-bibliotekatyn-sebidisseje-sr-kulturatyn-tujguna-portnyagina-vera-alekseevna-saha-%D3%A9r%D3%A9sp%D2%AF%D2%AFb%D2%AFl%D2%AFketiger-biblioteka-dyalatyn-sajdyytygar-kyl/