ХЕЙ-АЪТ ЫРЫЗЫ — 10 июня 2026 г. в 12:01:43.737
ХЕЙ-АЪТ ЫРЫЗЫ Ѳгбелерниң ѳндүр чаагай маадырлыг тоолдарының кезектери… Тыва хүреш дугайында тоол ШЫЯАН АМ! ЭКИ ШАГНЫҢ ЭКТИНДЕ БАК ШАГНЫҢ БАЖЫНДА ДАА ЧҮВЕҢ ИРГИН! ШУТКУП КААН ЧҮВЕ-БИЛЕ ДӨМЕЙ СҮР-КҮШТҮГ КЕДЕРГЕЙ КҮЧҮЛҮГ ШЫҢГАНАРЛЫГ ҮРДҮРҮП КААН СЫҢЫЙЛАР ДЕГ ИЙИ ДАРТАГАР, КОНЧУУ СҮРГЕЙ ДӨҢМЕКТЕРЛИГ ДЫРБАКТЫГ ДЕГ АВААНГЫР ХАРТЫГА ДЕГ КАШПАГАЙ ДҮНДҮГҮР-ЛЕ КАДЫР ХАВАКТЫГ ШЫРАЙЫНЧЕ УДУР КӨРГЕН УЛУС СҮРЭЭДЕП ТУРАР ТҮРЛҮГ. ДЫРГАКТЫГ ЧҮВЕ ДЫҢНЫП ДАА БОЛБААН ЭГИННИГ ЧҮВЕ ЭННЕЖИП ДАА БОЛБААН ТОЗАН БУГА КЕЖИ СОДАКТЫГ - МѲГЕ САЛЫКЧЫ-РЫ, МѲГЕЛЕРИҢ ТЫВА ТОННАРЫН ХОЛГА АЛЫР КЫШ БОЛУРГА, КЫШТЫҢ ХЫРААЗЫНДАН: ЧАЙ БОЛУРГА, ЧАЙНЫҢ ШАЛЫҢЫНДАН-ДАА ТАНЫП ТУРУП ТУРЛАР. ШѲЛ ЧЕРГЕ БААРГА, ДАГ АПААР, ДАГ ЧЕРГЕ КЭЭРГЕ, АЖЫК ШѲЛ БОЛУ БЭЭР, ОРГУ ЧААГАЙ ОРАНГА КЭЭРГЕ, ДѲҢ-ДѲСТЕК КЫЛДЫР ТЕПСЕП-ДАА ТУРУП ТУРЛАР ЭВЕСПЕ. ТЕВЕКТЕПТЕР ДЭЭРГЕ, ДЭЭРНИҢ ДЕЛГЕМИ-БИЛЕ, ДЭЭЛДИГЕННИҢ ДЕЗИИ-БИЛЕ АЛДЫРБАС, КАЖЫКТАПТАР ДЭЭРГЕ, КАПТАГАЙНЫҢ ДЕЛГЕМИ-БИЛЕ, ХАРТЫГАНЫҢ КАШПАГАЙЫ-БИЛЕ АЛДЫРБАЙН-ДАА ТУРГАН ИРГИН. УЖУРАЖЫП КЕЛГЕШТЕРНИҢ, БУГАЛАР БООП ХЫЙЫРТАЖЫ БЕРГЕН ТУРУП ТУРЛАР, БУУРАЛАР БООП ДИЗЭЭЛЕЖИ БЕРГЕН-ДАА ТУРУП ТУРЛАР ОО! ШЫЯАН АМ!!! КАДЫГ ЧЕРНИ КАЖЫККА КИИР, ДОҢ ЧЕРНИ ДОВУККА ЧЕДИР КАРА КҮШТҮ БАЗАР ОЮНУН ЭГЕЛЭЭН ДАА ЧҮВЕҢ ИРГИН, ОО! Сѳзүглелдиң тургузукчузу: Алена Хорбаа Аялгазы: Андрей Монгуш Үн бижидикчизи: Шораан Салчак Күүселдези: Арсен Ондар Чурук каасталгазы: Айлан Пириней Хүндүлүг чонувус! Үш ыдык оюннарывыстың байырлыг чыскаалдарынга ук материалды салып ап турарын сүмеледивис!