"Алдын кажыктың" тиилекчизи- бистиң чаңгыс чер чурттуувус! — 3 августа 2026 г. в 08:04:15.679
"Алдын кажыктың" тиилекчизи- бистиң чаңгыс чер чурттуувус! 8-ки классчы Ооржак Самчай бир миллион рубльду ойнап алган! Бөгүн, август 2-де, Чөөн-Хемчик кожууннуң Ийме сумузундан ырак эвес Кум-Суу деп онзагай чараш алдын элезиннерлиг черинге "Алдын кажык" мөөрейи болуп эрткен. Регионнар аразының бо мөөрейи ийи дугаар болуп эрткени ол. Бо чылын мөөрейни 4-кү бүгү делегей чергелиг буддисчи форумга тураскааткан. 350 чыгам киржикчилиг оюнга шупту удурланыкчыларын ашкаш, тиилекчи болган чаңгыс чер чурттуувус, Межегей дээш киришкен, Бай-Хаак школазының 8-ки классчызы (ам 9-ка баар) Ооржак Самчайга байырывыс чедирдивис! Самчай- өг-бүлезиниң улуг оглу, ажылгыр болгаш эрестиг, кижизиг, мал-маганга эптиг, өөредилгези эки, хөй-ниити ажылынга идепкейлиг оол. Ада-иезиниң эки кижизидилгези көскү. Эр хей, Самчай! Моон-даа соңгаар чедиишкиннерни күзедивис! Мөөрейниң кол шаңналы 1 миллион рубль түңнүг акша дээрзин сагындыраал. Тыва оюннарның угаан-медерел сайзырадылгазынга салдарлыын шупту билир бис. Интернет, телефон тударының орнунга, тыва кажыкты ойнаар болза, солун болгаш ажыктыг! Таңдының адын бедик туткаш, тиилээн Ооржак Самчайга шупту чоргаарланып тур бис! Чурук болгаш дириг-чурукту мөөрейниң көрүкчүзү, Самчайның аарыкчызы Чойгаана Сержин-оолдан алган. БАЙ- ХААК. #алдынкажык