"Чолбон" сурунаал/Федор Павлов — 24 августа 2026 г. в 03:02:04.827
"Чолбон" сурунаал/Федор Павлов Чууча (кэпсээнтэн быһа тардыы) …Соппуруон уу хараҕынан көрбүтүн итэҕэйбэккэ номоххо кэпсэнэр чучунааларын одуулаһа турдаҕына, таас үрдүгэр эмиэ ыйылыыр саҥа иһилиннэ. Хантас гынан көрбүтэ үөһэттэн кинини хап-хара хараҕынан кыра чучунаа одуулуу сытар эбит. Булчут саатын ылан харамайы ытаары кыҥаан баран тохтуу биэрдэ, араас санаалар холоруктуу ытылыннылар. Былыргы номохторго чучунаа куһаҕаҥҥа көстөр, өлөрдөххө кырыыстаах буолар диэни истэр этэ. Ол саныы турдаҕына, чучунаата, хараҕыттан уу чоккуруу- чоккуруу, оҕо курдук уоһун мэрбэтэ-мэрбэтэ, ытаан киирэн барда. Соппуруон, саатын тааска өйөннөрөн баран, төттөрү-таары хаамыталыы, тугу гыныан билбэккэ буккулла сырытта. Сындыыс чучунаа оҕотун сэҥээрэн, мэниктиэн баҕарар курдук тааска илин атахтарын тайанан кутуругун хамсата турарын көрөн, киһи харамайы илдьэ барарга быһаарынна. Салгыыта: https://churlib.ru/sahalyy-aa5yahha-2/