XVI Бөтенроссия авыл Сабан туе Пенза өлкәсендә узды. — 28 июня 2026 г. в 12:37:09.868
XVI Бөтенроссия авыл Сабан туе Пенза өлкәсендә узды. 27 нче июнь көнне Пенза өлкәсенең Кузнецк районы Кече Труев (Дәхтәрни) авылында XVI Бөтенроссия авыл Сабан туе бәйрәм ителде. Бу чара Россия халыклары бердәмлеге елына һәм бөек татар шагыйре Габдулла Тукайның тууына 140 ел тулуга багышланган иде. Бәйрәмдә Татарстан Республикасы Рәисе Рөстәм Миңнеханов, Пенза өлкәсе губернаторы Олег Мельниченко, Бөтендөнья татар конгрессы Милли Шура рәисе Васил Шәйхразыев, Чуашстан Республикасы милли-мәдәни берләшмәсе делегациясе, шулай ук илнең 50 төбәгеннән килгән кунаклар катнашты. Программада милли көрәш, ат чабышлары, аркан тарту, чүлмәк вату, баганага менү кебек халык уеннары булды. XVI Бөтенроссия авыл Сабантуеның программасы бай һәм кызыклы. Кунакларга татар мәдәнияте дөньясы белән танышу мөмкинлеге, традицион уеннар, милли көрәш, ат чабышлары, милли аш-сулар, халык һөнәрләре һәм мастер-класслар, шулай ук үзешчән иҗат коллективлары катнашындагы масштаблы концерт программасы тәкъдим ителде. Кунаклар өчен 10 милли утар эшләде, халык һөнәрләре ярминкәсе оештырылды. Аш-су өлкәсендә 1000 кг әзе-әчелек әзерләнгән, 4000 кешегә исәпләнгән «Казан-шурпа» мәйданчыгы эшләде. Бәйрәм ахырында «Тулпар ат» кубогы киләсе елга Оренбург өлкәсенә тапшырылды. XVII Бөтенроссия авыл Сабан туе 2027 елда Оренбург өлкәсенең Асекеево районында узачак.