Балаҕан ыйын 11 күнүгэр Чурапчы улууһун үөрэҕин үлэһиттэрин балаҕан ыйынааҕы сүбэ муннь...
Балаҕан ыйын 11 күнүгэр Чурапчы улууһун үөрэҕин үлэһиттэрин балаҕан ыйынааҕы сүбэ мунньаҕын иһинэн «Үөрэх тэрилтэлэригэр чөл олох култууратын иитии» былаһаакка үлэлээтэ. Уопсайа 69 педагог: иитии үлэтигэр дириэктэри солбуйааччылар, педагог-организатордар, уопсастыбаннай тэрилтэлэри кытары үлэҕэ сүбэһиттэр, эбии үөрэхтээһин педагогтара, оскуола таһынааҕы интэринээттэр сэбиэдиссэйдэрэ, физкултуура уонна ОБЗР учууталлара, кылаас салайааччылара. Модераторынан Чурапчы улууһун үөрэҕин салалтатын иитии уонна эбии үөрэхтээһин салаатын салайааччыта Евгения Ивановна Чичигинарова үлэлээтэ. Былаһаакка үлэтигэр кыттыыны ыллылар: Манасытова Марианна Алексеевна - Чурапчытааҕы физическэй култуура уонна успуорт институтун эбии профессиональнай үөрэхтээһин факультетын декана, Чичигинаров Константин Константинович - Өрөспүүбүлүкэтээҕи психолого-педагогическай арыаллааһын киинин дириэктэрэ, Макарова Нюргуяна Владимировна - "Оҕо саас сирдьиттэрэ" өрөспүүбүлүкэтээҕи ресурснай киин салайааччыта, "Росдетцентр" сүрүн экспиэрэ, "Саха сирин инникитэ" тэрилтэ дириэктэрэ, Гуляев Николай Николаевич - "Саха сирин кэнчээри ыччата» өрөспүүбүлүкэтээҕи тирэх киин спорт салаатын салайааччыта, Макарова Любовь Семёновна - «Бастакылар хамсааһыннара» оҕо уонна ыччат Арассыыйатааҕы уопсастыбаннай-судаарыстыбаннай хамсааһынын үлэтин тэрийиигэ Чурапчы улууһугар специалист, Сергеева Ирина Семеновна - "Радость" оҕо дьоҕурун сайыннарар киини дириэктэрэ, Хрютанова Екатерина Романовна - Чурапчы улууһун үөрэҕин салалтатын иитии уонна эбии үөрэхтээһин салаатын сүрүн исписэлииһэ, Яковлева Екатерина Алексеевна - Г.П.Башарин аатынан Сылан орто оскуолатын выпустаммыт медицинскэй кылаас салайааччыта.