Бүгүн Чурапчытааҕы история уонна этнография музейыгар олус интэриэһинэй уонна туһалаах ...
Бүгүн Чурапчытааҕы история уонна этнография музейыгар олус интэриэһинэй уонна туһалаах уус-уран мастер-кластар буолан аастылар. Музей уораҕайыгар мустубут ыалдьыттар уонна олохтоохтор саха төрүт культуратын, уусчуттар кистэлэҥнэрин кытта чугастан билсистилэр. Манна Саха сирин үгэс буолбут үрүҥ көмүс оҥоһуктарын уонна киэргэллэрин үйэтитиигэ анаммыт икки улахан таһымнаах уруок ыытылынна: Көмүс ыраастыыр ньымалара: Владимир Дарамаев уус үрүҥ уонна кыһыл көмүс киэргэллэри хайдах харыстыыр уонна барыарбыт, кэбирээбит оҥоһуктары урукку турукка киллэрэр ньымаларын көрдөрдө. Туораах ытарҕа оҥоруута: Илья Лазарев саха дьахтарын биир саамай мааны уонна үгүс суолталаах төрүт киэргэлин — туораах ытарҕаны — бэйэ оҥорон таһаарыытын практическай өттүн сиһилии кэпсээтэ уонна үөрэттэ. Үөрэх кыттыылаахтара маастардар үлэлэрин олус сэргээтилэр, бэйэлэрэ онорбут ытарҕаларын тута астына кэттилэр. Тэрээһин сыала — саха норуотун ураты суолталаах уус идэтин кэлэр көлүөнэҕэ тиэрдии уонна сайыннарыы.