Дьаҥхаады нэһилиэгин үрүҥ түнах ыһыаҕа дьиҥнээх сахалыы дууһаны уһугуннарда, биир кэрэ ... — 23 июня 2026 г. в 11:46:59.881

Дьаҥхаады нэһилиэгин үрүҥ түнах ыһыаҕа дьиҥнээх сахалыы дууһаны уһугуннарда, биир кэрэ түгэнинэн "Күн ойуута" оһуохай күрэҕэ буолла. Сахабыт төрүт үгэһин үйэтитэр, ыччаты уһуйар, дьону кэрэҕэ угуйар бу тэрээһин ыһыахха олус улахан суолтаны ылла. Кыттааччылар араас саастаах бөлөхтөргө арахсан, оһуохай тылынан, хамнаһынан, иэйиитинэн күрэхтэстилэр. Күрэх түмүгүнэн кыайыылаахтарынан ааттаннылар: 17 саастарыгар диэри оҕолорго: • 1 миэстэ – Попова Ася. • 2 миэстэ – Христофоров Элдьар. • 3 миэстэ – Айхаан Васильев (Айыы кыһатын үөрэнээччитэ). Бу бөлөххө Лазарев Леня уонна Попова Айыына эмиэ кыттыыны ылан, сахалыы үгэскэ бэриниилэрин көрдөрдүлэр. 18-35 саастаах ыччат бөлөҕөр: • 1 миэстэ – Аммосова Марфа. • 2 миэстэ – Неустроева Иванна. • 3 миэстэ – Христофорова Анастасия. 36-50 саастаах дьоҥҥо: • 1 миэстэ – Мохначевская Саргы. • 2 миэстэ – Анна Максимова. 51 саастарыттан үөһээ саастаах ытык дьоҥҥо: • 1 миэстэ – Максимова Мотрена Николаевна. • 2 миэстэ – Неустрова Мария Романовна. • 3 миэстэ – Баишева Авдотья Ивановна. Федорова Анисия Иннокентьевна - көҕүлүүр бириис ылла. Күрэх үрдүк таһымнаахтык ыытылларыгар үтүө кылааты киллэрдилэр, дьүүлүүр сүбэҕэ сахабыт сирин киэн туттар оһуохайдьыттара: • Верховцев Айаан Андреевич. • Неустроева Татьяна Власьевна – Саха сирин үтүөлээх оһуохай этээччитэ. Бары кыттыыны ылбыттары уонна кыайыылаахтары истиҥник эҕэрдэлиибит! Эһиги "Күн ойуута" оһуохайга бэриниигит саха норуотун тыыннаах култууратын өссө күүскэ сайыннара турдун! Уруй-Айхал!