НЭҺИЛИЭК БАҺЫЛЫГЫН БИРИИҺИГЭР БУЛЧУТТАР КҮРЭХТЭРЭ! — 1 июля 2026 г. в 06:24:05.377
НЭҺИЛИЭК БАҺЫЛЫГЫН БИРИИҺИГЭР БУЛЧУТТАР КҮРЭХТЭРЭ! Бэс ыйын 21 күнүгэр, айылҕа кэрэ кэмигэр, нэһилиэккэ күүтүллүбүт Булчуттар күрэхтэрэ нэһилиэк баһылыгын бирииһигэр буолан ааста. Бу тэрээһин эр дьон булчут дьоҕурдарын, кыахтарын тургутан, биир күннээх түмсүүнү тэрийдэ. Күрэххэ барыта 5 булчут кыттыыны ылла: 1) Стручков Анатолий 2) Афанасьев Виталий 3) Христофоров Элдьар 4) Соловьев Александр 5) Портнягин Афанасий Булчуттар күрэхтэрин дьүүллүүр сүбэҕэ: Чугунов Владимир Михайлович уонна сүрүн судьуйанан Ермолаев Иван Иппатьевич үлэлээтилэр. Кыттааччылар араас тургутууларга кыттан, бэйэлэрин сатабылларын, сытыы харахтарын, бултарга билиилэрин көрдөрдүлэр. Күрэх түмүгүнэн, миэстэлэр маннык үллэһиннилэр: • 1 миэстэ – Портнягин Афанасий – Дьиҥнээх булчут сатабылын көрдөрдө! • 2 миэстэ – Соловьев Александр – Үрдүк таһымнаах дьоҕурун билиннэрдэ! • 3 миэстэ – Стручков Анатолий – Күрэххэ күүстээх өттүнэн көһүннэ! Ону таһынан, булчуттарга анал номинациялар ананан, кыайыылаахтар билиннилэр: • "Тииҥ мэйии" номинацияны, тургутукка саамай элбэх сөптөөх эппиэти таайан, Стручков Анатолий ылла. Кини булчут билиитэ олус киэҥ, дириҥ. • "Кыраҕы харах" номинацияны, ытыы күрэҕэр бастыҥ буолан, Афанасьев Виталий ылла. Кини сытыы хараҕа, чуолкай ытыыта дьону сөхтөрдө. Бары кыттыыны ылбыттары, дьүүллүүр сүбэҕэ үлэлээбиттэри, уонна нэһилиэк баһылыгын уруйдаан-айхаллаан, махталбытын тиэрдэбит! Булчуттарбыт кэлэр кэмҥэ өссө элбэх ситиһиилэри оҥоро туруохтара диэн эрэнэбит!