ДЬАҤХААДЫ НЭҺИЛИЭГЭР САҤА ОҔО БЫЛАҺААККАТА АРЫЛЫННА — 10 сентября 2026 г. в 09:02:12.053
ДЬАҤХААДЫ НЭҺИЛИЭГЭР САҤА ОҔО БЫЛАҺААККАТА АРЫЛЫННА Бүгүн, балаҕан ыйын 10 күнүгэр, Дьаҥхаады нэһилиэгэр "Уһук Илиҥҥи тиэргэннэри тупсарыы" бырайыак чэрчитинэн тутуллубут саҥа оҕо оонньуур былаһааккатын үөрүүлээх быһыыга-майгыга арыйдылар. Бу тэрээһиҥҥэ улуус баһылыга Дмитрий Тихонов, улуус дьокутааттарын Сэбиэтин бэрэссэдээтэлэ Иннокентий Андросов, улуус баһылыгын инфраструктура уонна ОДьКХ боппуруостарыгар солбуйааччы Василий Филиппов, Ил Түмэн Судаарыстыбаннай мунньаҕын дьокутаата Захар Никитин, Дьаҥхаады нэһилиэгин баһылыга Алексей Шарин уонна Саха Өрөспүүбүлүкэтин архитектура уонна тутуу салаатын сүрүн исписэлииһэ Майя Стручкова кыттыыны ыллылар, эҕэрдэ тыл эттилэр. Кэрэ-бэлиэ күҥҥэ оҕолор үөрүүлэрэ үгүс, кинилэр саҥа былаһааккаҕа хайыы-үйэ көҥүллүк оонньоотулар. Мэҥэ Хаҥалас улууһун дьаһалтатын пресс-сулууспата