Дьаҥхаады нэһилиэгэр оҕо оонньуур, эт-хаан чэбдигирдэр, сынньанар комплекса аһылынна! 🎉 — 10 сентября 2026 г. в 05:18:34.858
Дьаҥхаады нэһилиэгэр оҕо оонньуур, эт-хаан чэбдигирдэр, сынньанар комплекса аһылынна! 🎉 Бүгүн Дьаҥхаады нэһилиэгэр дьоро күн буолла – оҕолорго анаммыт саҥа, аныгылыы былаһаакка үөрүүлээх быһыыга-майгыга аһылынна! Бу кэрэ түбэлтэ "Уһук Илиҥҥи тиэргэннэр" федеральнай барыл чэрчитинэн олоххо киирдэ. Тэрээһиҥҥэ нэһилиэк олохтоохторо, ытыктабыллаах ыалдьыттар, Мэҥэ-Хаҥалас улууһун аҕа баһылыга Дмитрий Иванович Тихонов, Дьаҥхаады нэһилиэгин аҕа баһылыга Алексей Никитич Шарин, Саха Өрөспүүбүлүкэтин Ил Түмэнин (Государственнай Мунньах) VII ыҥырыытын депутата, "Биир Ньыгыл Арассыыйа" политическай баартыйа фракциятын чилиэнэ - Захар Николаевич Никитин уонна Саха Өрөспүүбүлүкэтин Ил Дарханын иһинэн Архитектура уонна куорат тутуутун салалтатын архитектурнай-тутуу бырайыактааһын отделын салайааччыта Федора Авдеевна Алексеева. Символ быһыытынан кыһыл лиэнтэни быһыы кэннэ, оҕолор үөрүү-көтүү бөҕөнөн саҥа былаһааккаҕа оонньуу сүүрдүлэр. "Уран" дизайн-студия тэрилтэтигэр уонна кини үлэһиттэригэр – Яроев Вячеслав Васильевичка, Шишигин Петр Степановичка, Винокуров Семен Николаевичка нэһилиэк олохтоохторун аатыттан улахан махтал! Оҕо ускуустуба оскуолатын “Манчаары” народнай асаамбылатын “Чохчоохой” уонна фольклор, ырыа кылааһын оҕолоро бэйэлэрин толорууларынан, театральнай кылаас оҕолоро аниматардаан бырааһынньыгы өссө киэргэттилэр. Бу былаһаакка оҕо күлүүтүнэн-саҥатынан, үөрүүтүнэн куруук толору буолуоҕа! Дьаҥхаады нэһилиэгин бары олохтоохторун бу суолталаах түбэлтэнэн эҕэрдэлиибит! Чэчирии сайдыыны, доруобуйаны уонна дьолу! #Дьаҥхаады #СаҥаБылаһаакка #Оҕолорго #УһукИлинҥиТиэргэннэр #МэҥэХаҥалас #ҮөрүүКөтүү