*Ытыктабыллаах Майа сэлиэнньэтин олохтоохторо, ыалдьыттара!* — 13 июня 2026 г. в 13:26:50.375
*Ытыктабыллаах Майа сэлиэнньэтин олохтоохторо, ыалдьыттара!* Үрүҥ тунах ыһыах күнүн көрсө, сэлиэнньэбит тэрилтэлэрин, түмсүүлэрин, түөлбэлэрин икки ардыларынан «САХА ЫАЛА» сахалыы төрүт ас сандалы остуолун күрэҕэр кэлэн көхтөөх кыттыыны ыларгытыгар ыҥырабыт! *Буолар күнэ:* Бэс ыйын 20 күнэ *Буолар сирэ:* Майа сэлиэнньэтэ, Ураһалаах алаас, Майа түһүлгэтэ *Буолар бириэмэтэ:* күнүс 14:00 чаастан *Сыала-соруга:* - «СОМОҔОЛОҺУУ» сылынан түһүлгэнэн түмсэн төрүт ас сандалы остуолун тэрийии; - «ЧӨЛ МАЙАНАН» доруобай аһы тарҕатыы, чөл олоҕу көҕүлээһин; - «УДЬУОР УТУМУН» сылынан түһүлгэнэн түмсүү; *Тэрийээччи:* «Майа сэлиэнньэтэ» тыа сирин түөлбэтин дьаһалтата, «Майа алаас ыала» түмсүү. *Кыттааччылар:* Майа сэлиэнньэтигэр баар тэрилтэлэр, түөлбэлэр,түмсүүлэр. *Күрэх ирдэбилэ:* 1. Кыттааччылар күрэххэ уопсай бэйэҕит тэринэн кэлэҕит (остуол, остуол сабыыта, сахалыы иһит - хомуос). 2. Түһүлгэнэн түмсэн сандалы остуолу САХА ЫАЛА диэн тиэмэҕэ композициялаах киэргэтэллэр. 3. Сахалыы ас арааһынан (сир аһа, үрүҥ ас, бурдук ас, эт, балык, булт арааһын) көрүү. 4. Хамыыһыйа иннигэр сандалы аһын кэпсээн сырдатыы. *Дьүүллүүр сүбэ хамыыһыйата:* Бэрэссэдээтэл – *Туйаара Ивановна Шестакова* «Майа алаас ыала» түмсүү, төрүт ас хамсааһын салайааччыта. *Валентина Дмитриевна Мартынова* – 6 – үрдэллээх шеф- повар. *Лидия Ивановна Андреева* – 5 – үрдэллээх пекар – кондитер *Мусьяна Ивановна Аржакова* – урбаанньыт, төрүт аһы көҕүлээччи. *Татьяна Дмитриевна Михайлова* – 4- үрдэллээх повар. *Наҕараадалааһын:* Түмүккэ 1,2,3 миэстэ уонна анал ааттар иҥэриллиэхтэрэ. *Сайаапканы хомуйуу, сиһилии билсэр нүөмэргит:* Марианна Иннокентьевна Федотова 89841063031 Майа олохтоох дьаһалтата