✨Атырдьах ыйын 7 күнүгэр, — 5 августа 2026 г. в 07:36:04.119
✨Атырдьах ыйын 7 күнүгэр, ✨Мааны Майа дьоһуннаах туонатыгар, 💥Биэс хайысханан 🌟ытык киһибит Виталий Андросов төрөөбүтэ 75-с сылыгар анаан тэриллэр, ✨хас биирдии кэлбит киһи кыттыгастаах буолар 💥"Андросов FEST" бэстибээл бары тэрээһиннэригэр кыттыыны ыларгытыгар ыҥырабыт! 🌟10.30 чаастан Майатааҕы М.К. Попова аатынан оҕо искусство оскуолатын баян кылааһыгар Виталий Андросов аатын иҥэрии 🌟 11.30 чаастан Р.Г. Васильев аатынан Мэҥэ Хаҥалас улууһун кыраайы үөрэтэр түмэлигэр "Талба талаан маанылааҕа" быыстапка арыллыыта 💥"Андросов FEST" бэстибээл үөрүүлээх арыллыыта, наҕараадалары туттарыы, СР Ырыа айааччылара Николай Андросов, Милена Борисова, Исай Брызгалов, улууспут талааннаахтара, СР үтүөлээх артыыската Анна Дьячковская вокальнай студиятын иитиллээччилэрэ, СР үтүөлээх артыыската Арчыына сайыҥҥы уһуйаанын иитиллээччилэрэ кыттыылаах "Миигин тоҕо ыллаппаккыт?" аһаҕас кэнсиэр 🌟15.00 чаастан И.М. Сосин аатынан Майатааҕы киин бибилитиэкэҕэ Мэҥэ Хаҥалас улууһуттан төрүттээх доруобуйа харыстабылын үлэһиттэрэ уонна улуус киин балыыһатын үлэһиттэрин Стратегическай сессията. Салайан ыытар Виталий Андросов балтыта, РФ үтүөлээх бырааһа Людмила Оконешникова 🌟 15.00 чаастан Р.Г. Васильев аатынан Мэҥэ Хаҥалас улууһун кыраайы үөрэтэр түмэлигэр ахтыы киэһэтэ. Ыытааччы СР култууратын үтүөлээх үлэһитэ Саргылана Адамова - Алтан кыыс 💥"Комсомольскай болуоссакка" 14.00 чаастан саҕалаан норуот күүлэйэ тэриллэр, ол иһигэр: 🌟14.00 чаастан атыы – тутуу тэриллиитэ, хорчуоппа үлэтэ 🌟15.00 чаастан "Движение Первых" хамсааһынтан оҕолорго бастакы суһал көмөнү оҥорууга маастар кылаас 🌟15.00 чаастан И.М. Сосин аатынан Майатааҕы киин бибилитиэкэ үлэһиттэрэ айбыт остуол оонньуулара (босхо) 🌟15.00 чаастан Саха Өрөспүүбүлүкэтин "Ил Түмэн" судаарыстыбаннай мунньаҕын дьокутааттара дьону - сэргэни көрсүүлэрэ. Салайааччы норуот дьокутаата Захар Никитин 🌟15.00 чаастан аар саарга аатырбыт "Туундара" ырыаны СР култууратын үтүөлээх үлэһитэ Василий Захаров, аккомпаниатор Даниил Алексеев хас биирдии баҕалаах дьоҥҥо анаан үөрэтиэхтэрэ (босхо) 🌟15.00 чаастан Майатааҕы М.К. Попова аатынан оҕо искусство оскуолатын художественнай кылааһын уһуйааччылара СР култууратын туйгуна Анастасия Константинова, СР култууратын туйгуна Александр Необутов аһаҕас халлаан анныгар акварельга маастар кылаастара (босхо) 🌟14.00 чаастан "Мэҥэ Уус" улууспут уран тарбахтаахтарын быыстапка дьаарбаҥката, талба талааннаахтар төлөбүрдээх маастар кылаастара: ✨Лидия Николаева валяниеҕа, ✨"Уран Майа" айар түмсүү жабо тигиитигэр, саха таҥаһын киэбин оҥорууга, ✨"Кэрэ иис" айар түмсүү күлүүс угар иһит оҥоруутугар, ✨Лена Лукина быысапкаҕа, ✨Мария Сивцева кыл – сиэл өрүүтүгэр, ✨Татьяна Неустроева алтан симэхтэргэ, ✨Римма Егорова иһигэр чэйдээх кэмпиэт оҥоруутугар, ✨Нарыйа Иванова гиипсэттэн оҥоһуктарга, ✨Туйаара Егорова туостан хартыыналарга үлэлэрин кистэлэҥнэрин, албастарын үллэстиэхтэрэ. 🌟17.00 чаастан Д.Ф. Ходулов аатынан Майа сэлиэнньэтин норуот айымньытын дьиэтигэр искусство маастардара, эстрада ырыаһыттара, улууспут маанылаах куоластара кыттыылаах “Алааһым арылы кустуга” улахан быраһынньыктааҕы кэнсиэр. Киирии билиэт 500 солкуобай, каасса атырдьах ыйын 7 күнүгэр үлэлиэҕэ, тута билиэти hodulov.ru саайтан атыылаһарга тиэтэйиҥ! ❗билиэт аҕыйах хаалла, кэнсиэр хатыламмат. Кэлиҥ, сылдьыҥ, кэрэни биһигинниин айыҥ!!!