Образование · 12 мая 2026 г.

🕯️🕯️🕯️Ыам ыйын 8 күнүгэр, Кыайыы күнүгэр Бахсы нэһилиэгин олохтоохторо Т.П. Местнико... — 12 мая 2026 г. в 07:33:35.845

🕯️🕯️🕯️Ыам ыйын 8 күнүгэр, Кыайыы күнүгэр Бахсы нэһилиэгин олохтоохторо Т.П. Местников аатынан "Сырдык Эйгэ" дьиэтигэр түмсэн ол ыар кэмнэри ахтан санаан ааһаары, кэрэ аат кэпсэннин, үтүө аат өлбөөдүйбэтин, хорсун быһыы умнуллубатын диэн "Өйдөбүнньүк чүмэчитэ" 🕯️🕯️🕯️аахсыйаҕа кыттыстыбыт. Кыайыы 81 сыла хас биирдии киһи олоҕор ураты суолталаах күн... Онуоха өйдөбүнньүк чүмэчини сандаарда уматыы, кыайыыны сэрии толоонугар, тыылга уһансыбыт, олохторун толук уурбут ытык дьоммутугар муҥура суох махталлаахпытын, кинилэргэ сүгүрүйэрбитин, сырдык ааттарын үйэлэргэ ааттата турар соруктаахпытын, ытык иэстээхпитин көрдөрөр дьоһун бэлиэ түгэнэ. Бу бүгүҥҥү дьоллоох, эйэлээх олохпутун аҕалсыбыт, уһансыбыт биир дойдулаахтарбыт - буойун убайдарбыт сырдык ааттарын ахтан-санаан, кэриэстээн ааһарбыт хайаан да наадалаах!🙏🏻🙌🏼 Ким да умнуллубат, туох да умнуллубат!