🎖️🎖️🎖️Ыам ыйын 9 күнэ - дойдубут хас биирдии олохтооҕор Улуу бырааһынньык күнэ буола... — 12 мая 2026 г. в 07:32:21.279
🎖️🎖️🎖️Ыам ыйын 9 күнэ - дойдубут хас биирдии олохтооҕор Улуу бырааһынньык күнэ буолар. Элбэх омуктаах норуоппут модун күүһүнэн, бигэ санаатынан Аҕа дойдуну көмүскээн, Улуу Кыайыыны ситиспитэ. Ыам ыйын 8 күнүгэр, Бахсытааҕы Т.П. Местников аатынан "Сырдык Эйгэ" норуот айымньытын дьиэтигэр Кыайыы 81 сылыгар аналлаах кыайыы парада буолан ааста. Нэһилиэк олохтоохторо ааспыт кэми ахтан-санаан, билиҥҥи кэми үрдүктүк сыаналаан, бу улуу күҥҥэ биир сомоҕо буоллулар. Сарсыарда 9:00ч. нэһилиэк баһылыга Иннокентий Федорович, физкультура учуутала Дьулус Петрович уонна оскуола үөрэнээччилэрэ венок уурдулар. Парады нэһилиэк аҕа баһылыга Барашков Иннокентий Федорович салайтарыытынан кэриэстэбил тумуһуттан норуот айымньытын дьиэтигэр диэри параадтаан хааман кэллилэр. Тэрээһин үөрүүлээх аһыллыытыгар Кыайыыны уһансыбыт, билиҥҥи кэмҥэ дойду иннигэр иэстэрин толоро сылдьар хорсун буойуттарга уонна кинилэр дьиэ кэргэттэригэр баһылык ис сүрэҕиттэн эҕэрдэтин тиэртэ. Нэһилиэк аайы үҥкүүлэнэр "Вальс Победы" акция ыытылынна. Тыыл бэтэрээннэригэр, сэрии оҕолоругар нэһилиэк дьаһалтата бэлэхтэрин туттардылар. Үгэскэ кубулуйбут Оскуола оҕолоро "строевой хаамыылара" дьон дууһатын үөртэ, үрдэттэ. Нэһилиэк улахан дьонугар уонна оскуола оҕолоругар автомат ыһыытын күрэҕэ буолла, спорт инструктор Анастасия Ивановна Шеломова кыайыылаахтары мэдээлинэн уонна добун суруктарынан наҕараадалаата. Тэрээһин түмүктэнэр чааһыгар нэһилиэк олохтоохторун саллаат куукунатынан күндүлээтилэр. Бу күн - кыайыыны уһансыбыт буойуттарбыт албан ааттарын үйэтитэр, кинилэр хорсун быһыыларын умнубат, кэлэр көлүөнэҕэ тиэрдэр ытык иэс күнэ. Биһиги сорукпут - кыайыы сиэннэрин хас биирдиилэрэ бу күнү өйдүүрүн, сыаналыырын, киэн туттарын ситиһии. Эйэлээх, ыраас халлаан өрүү баар буоллун!