🌿🌿🌿☀️☀️☀️Сахабыт сирин үрдүнэн ыһыахтар саҕаланнылар. — 17 июня 2026 г. в 05:13:01.587
🌿🌿🌿☀️☀️☀️Сахабыт сирин үрдүнэн ыһыахтар саҕаланнылар. 🌼🌼🌼🌱🌱🌱Бэс ыйын 13 күнүгэр Ытык Бахсыга Наттаабай сайылыгар үрүҥ тунах ыһыах тэрээһинэ ону таһынан ЧЭГИЭН ТУРУК - ВЕКТОР ЕДИНСТВА Бахсы, Матта, Арыылаах, Окоемовка сэлиэнньэлэрин икки ардыларыгар 15 сылын ыытыллар табаарыстыы спортивнай фестиваль күрэх буолан ааста. Бу күн сарсыардаттан "Наттаабай" ыһыахтыыр түһүлгэбит ыалдьыттарынан, дьонунан ситэри симэннэ, түптэ сытынан, оҕо-аймах күлүүтүнэн туолан, киһи сүргэтэ көтөҕүллэн, бу барыта ыһыах тэрээһинигэр күүс-көмө буолла. ✨✨✨Ыһыахпыт аһыллыытын илиҥтэн маҥан халадаайдаах чуорааннаах далбар хотуттар арчылааһыннарынан аһылынна. Кэрэ нарын кыргыттар чороон, эрэкэ-дьэрэкэ оҕолор сибэкки, тигээйи үҥкүүлэрэ дьон сүргэтин көтөхтө. Өбүгэ үгэһин тутуһан, арчылыыр сиэри-туому Галина Сивцева, Софья Лугинова, Дайаана Николаева толордулар. Саргылаах ыһыахпыт түһүлгэтигэр Ытык Бахсыбыт аҕа баһылыга Барашков Иннокентий Федорович, Чурапчы улууһун спорт управлениятын начальнига Егоров Дьулустаан Васильевич аан тылы амалыйдылар. Үрүҥ сиэллээх Алгысчыт арыалдьыттарын кытары аал уоту оттон, айыылары алгыстаан аһатар арыылаах алаадьынан, кымыһынан айах туттулар. Араас дьүһүннээх халадаайдаах кыргыттар Саарын ырыатынан үҥкүүлээтилэр. Үрүҥ халадаайдаах далбардар, арыалдьыт уолаттар бар дьону алгыстаах алаадьынан, уохтаах кымыһынан күндүлээтилэр. Елизавета Гуринова Дьүлэй Бүөкээн репертуарыттан чабырҕах толордо. Аскалон Барашков, Данил Пестряков эр дьон эһиэкэйин эргиирин саҕалаатылар. Ыһыах үөрүүлээх чааһын Удьуор Утумнара уонна Аскалон Барашков "Мэҥэ халлаан уола уонна Бөөдөс хоһуун" олоҥхонон түмүктээтилэр. 🏅🏅🏅Күн иккис аҥарыгар ыһыах сүрүн чааһа, доҕордоһуу спортивнай күрэх аһыллыыта, 4 нэһилиэк парада буолла. Парады Д.Г. Барашков аатынан Бахсы орто оскуолатын учуутала, күрэх кылаабынай судьуйата Попов Дьулус Петрович салайан ыытта. Күрэхтэр бэрт сэргэхтик, этэҥҥэ ааһан уопсай түмүгүнэн Бахсы нэһилиэгэ бастаан дьонун-сэргэтин үөртэ. 🎟️🎟️🎟️Күрэх кэннэ "ЫҺЫАХ БЭЛЭҔЭ" IPhone 17 супер бириистээх лотерея буолан ааста. Сүрүн бирииһи кэккэлэһэ сытар Арыылаах нэһилиэгиттэн Захарова А.А. ылары ситистэ. 🎙️🎙️🎙️🎶🎶🎶Киэһээтин "Сырдык Эйгэ" норуот айымньытын дьиэтигэр ырыа-тойук аргыстаах СӨ үтүөлээх артыыстара Анастасия Готовцева, Ырыа Саарын кыттыылаах кэнсиэр буолан ааста. 🪩🕺🪩🕺🪩«Седая Ночь" бары көлүөнэлэргэ ностальжи дискотеканы диджей - Николай Захаров музыканан киэргэттэ. Ыһыах аһыллыытын сиэригэр-туомугар биир дойдулаахтарбыт, оскуола оҕолоро, "Удьуор Утумун Уһугуннарыы" фольклорнай бөлөх бары бииргэ түмсэн ыыттыбыт. Бары кыттыбыт дьоммутугар "Сырдык Эйгэ" коллективын аатыттан дириҥ махталбытын тиэрдэбит!!!🙏🏻🙏🏻🙏🏻✨✨✨