🌿 Аллаһ биргән ниғмәттән файҙаланайыҡ 🌿 — 10 июля 2026 г. в 07:17:36.749
🌿 Аллаһ биргән ниғмәттән файҙаланайыҡ 🌿 Әссәләмәғәләйкүм үә рәхмәтуллаһи үә бәрәкәтүһ, хөрмәтле ҡәрҙәштәр! Йәй – Аллаһ Тәғәләнең мул ниғмәттәре менән һөйөндөргән бәрәкәтле миҙгел. Еләк-емештәрҙе ваҡытында йыйып, ҡышҡа һаҡлап ҡуйыу – ғаиләгә лә файҙа, ниғмәткә шөкөр итеү ҙә. Ҡарағаттан рецептар тәҡдим итәбеҙ. 🍇 Ҡарағаттан «5 минутлыҡ» ҡайнатмаһы 🌿3 стакан һыуға 7 стакан шәкәр һалып, утҡа ҡуйырға. Был масса ҡайнап сығыу менән 11 стакан ҡара ҡарағат һалып, 5 – 7 минут ҡайнатырға. ✅Унан тағы 7 стакан шәкәр өҫтәп, иҙелеп бөткәнсе болғатырға. Желе һымаҡ ҡуйы ҡайнатма килеп сыға. 🍇 Ҡаҡ эшләү ✅Ҡаҡ эшләү бер ҡыйынлыҡ та тыуҙырмай: таҙа итеп йыуылған еләк-емеште, мәҫәлән, ҡара ҡарағатты ит турағыс аша үткәрергә. Саҡ ҡына шәкәр һалырға мөмкин. ✅Батмусты ҡаймаҡ менән майлап, ҡатнашманы йәйеп киптерергә. 🍇 Ҡыҙыл ҡарағаттан желе ✅1 кг ҡыҙыл ҡарағат, 1 кг шәкәр кәрәк. Ҡарағатты йыуып, өҫтөнә бер кг шәкәр һалып, һуты сыҡҡансы яҡшылап иҙергә. ✅Һуңынан 8 – 10 минут шәкәр менән ҡайнатырға ла, дуршлагҡа һалып иҙгәс, банкаларға тултырырға. 🤲 Раббыбыҙ биргән ниғмәттәрҙең ҡәҙерен беләйек, исрафтан һаҡланайыҡ. Аллаһ Тәғәлә һәр йортҡа бәрәкәт, мул ризыҡ һәм именлек насип итһен. Әмин! 🌿 Байыш биләмә мосолмандары берләшмәһе .