Ошо көндәрҙә торған аномаль эҫе һәм ҡайһы бер кешеләрҙең вайымһыҙлығы арҡаһында тирә-яҡ... — 8 сентября 2026 г. в 13:47:42.733
Ошо көндәрҙә торған аномаль эҫе һәм ҡайһы бер кешеләрҙең вайымһыҙлығы арҡаһында тирә-яҡта урман янғындары сығыуы бер кемгә лә сер түгел. 7 сентябрь көндөҙгө сәғәт 3-тә Яңыбай ауылы биләмәһенә ҡараған Үрге Мәмбәтшә ауылы янында яланда ут сығыу осрағы теркәлгән. Ҡоро үлән гөлт итеп янып шунда уҡ ҙур майҙанға тарала. Уттың Шайтантау һыртынан Хәйбулла районы яғына, Ырымбур өлкәһе Ҡыуандыҡ районы заповеднигына күсеү хәүефе тыуа. Урынға шунда уҡ янғын һүндереү хеҙмәткәрҙәре, урман хужалығының янғынға ҡаршы көрәш хеҙмәте эшселәре килеп етә. Ауыл халҡы ла дәррәү күтәрелеп янғынды һүндереүҙә ҡатнаша. Яңыбай, Үрге Мәмбәтша ауылынан ғына түгел, Иҙелбәк, Байыш, Үтәғол, Иҙәш ауылдарынан да кешеләр килеп ут һүндереүҙә ярҙамлаша. Күмәкләгән – яу ҡайтарған, тигәндәй, киске сәғәт 11-гә янғын ауыҙлыҡлана. Тегендә-бында төтәп ятҡан урындарҙы иҫәпләмәгәндә, янғын туҡтатыла. Тулыраҡ https://ejansura.ru/news/common_material/2026-09-08/yan-yn-taralyu-a-yul-uymay-ar-4806520