Этнологический музейный комплекс «Мандар Уус» МР «Таттинский улус» РС(Я).
Образование · 21 июня 2026 г.
Бэс ыйын 21 күнүгэр Таатта улууһугар Ытык-Күөлгэ *"ИИС.УУС.АС* " этнография бэстибээли... — 21 июня 2026 г. в 15:47:56.714
Бэс ыйын 21 күнүгэр Таатта улууһугар Ытык-Күөлгэ *"ИИС.УУС.АС* " этнография бэстибээлин биир мааны түһүлгэтигэр " *Туос тойуктаах оһуора»* туос иһити тигээччилэр күрэстэригэр 10 кыттааччы, биһиги түмэлбит үлэһитэ Тамара Захаровна Яроева кытынна!👏🏻👏🏻👏🏻 ХIХ үйэ бүтүүтэ Баайаҕа сириттэн, Маттаҕа үрэҕиттэн, "Сиэр биэ" кыстык өтөҕүттэн көстүбүт үрдүгэ 25 см,түгэҕэ 9 см, айаҕа 13 см кээмэйдээх туос мээрэй иһитин тиктилэр. Билиҥҥи кээмэйинэн 1 литр убаҕас ас кутуллар иһтин төрүт ииспитин сөргүтэн, иннэнэн тиктилэр, бүргэс туттуллубата. Кыттааччы биир хос туоһунан көҥдөйүн, түгэҕин дьиэҕэ тигэн аҕалан ,күрэс кэмигэр иитин, чамчааһынын тиктилэр. Дьүүллүүр сүбэҕэ "Симэх" национальнай Киин быыстапканы тэрийэр отдел салайааччыта Радомира Дмитриевна Баишева , Республикатааҕы норуот айымньытын дьиэтин үлэһитэ Күннэй Семеновна Маркова , СР норуотун маастара Валерия Николаевна Потапова ( Таатта улууһа, Дьүлэй нэһилиэгэ) үлэлээтилэр. Түмүккэ мээрэй иһиттэргэ суорат кутан долгутуулаах тургутуу буолла. Кыайыылаах аатын Уус Тааттаттан норуот маастара Матрена Михайловна Малышева, оҕолорго Ытык Күөлтэн 10 саастаах Настя Слепцова ыллылар. 2 м.-Уус Тааттаттан Альбина Николаевна Колодезникова, 3 м.- Баайаҕаттан Тамара Захаровна Яроева, оҕолорго Ытык Күөлтэн 12 саастаах Сандаара Огонерова . "Кэскиллээх иистэнньэҥ" анал ааты быйыл саҥа тигэр Анна Ильинична Гуринова , Октябрина Ивановна Филиппова , оҕолорго 11 саастаах Элина Гуринова ,12 саастаах Күннэй Татаринова (Ытык Күөлтэн) ыллылар. Кыайыылаахтар оҥоһуктарын Таатта улууһун түмэллэригэр анаан үйэлээх бэлэх ууннулар .