Биләр шәһәрендә «Сәләт» форумының XV Халыкара яшьләр белем бирү сменасы – «Һөнәрләр Бил... — 31 июля 2026 г. в 15:22:25.961
Биләр шәһәрендә «Сәләт» форумының XV Халыкара яшьләр белем бирү сменасы – «Һөнәрләр Биләр Форум» узды. Чара Россиянең төрле төбәкләреннән һәм Татарстанның барлык районнарыннан 800 гә якын баланы берләштерде. Смена программасы алты юнәлешне үз эченә алды: иҗат, медиа, IT, туган якны өйрәнү («Тамырлар»), экология һәм лидерлык. Катнашучылар, лабораторияләрдә эшләп, үз продуктларын тәкъдим итте. Әлеге зур форумда Мөслим районыннан «МИрас» вокаль-инструменталь ансамбле составында безнең укучыларыбыз Зарипов Искәндәр, Зигангиров Әмир, Гараева Айсылу, Максутов Ринат та катнаштылар (җитәкчеләре – Гөлназ Йосыпова). Июнь ахырында ВИА «МИрас»ның өч төркеме Яшьләр көнендә чыгыш ясап, Мөслимлеләрне үзләренең автор-башкаручы җырлары һәм популяр хитларга каверлары белән сөендерсә, июль аенда алар «Сәләт»нең иҗади лабораторияләрендә белем алып, сменаның ябылу тантанасында уңышлы чыгыш ясадылар. Фотолар – Мөслим балалар сәнгать мәктәбе архивыннан