🎊🥳 Бүген, 22 август көнне, Дүсмәт авылында көзге уңыш бәйрәме үтте. — 22 августа 2026 г. в 10:23:36.362

🎊🥳 Бүген, 22 август көнне, Дүсмәт авылында көзге уңыш бәйрәме үтте. ✨✨ Шулай ук биредә гошер сәдакасын бирү мөмкинлеге дә булды. Гошер — ул бакчада үстерелгән яшелчә, җиләк-җимештән бирелә торган зәкәтнең бер төре. Уңган халык бакчасында үстергән нигъмәтләрен алып килгән иде - кабак, кәбестә, алма, кыяр, хәтта виноград та бар иде күргәзмәдә. Мәчет территориясендә балалар өчен уктан ату буенча кечкенә турнир да оештырылды. Барлык катнашучыларга бәйрәмне оештыручылар бүләк өләште. Чара ахырында катнашучылар чәй табыны артында сөйләшеп, тәмле пылаудан авыз итеп, яхшы кәеф белән таралыштылар.