«Эрявикстэ кортамо» студенттнэнь марто
«Эрявикстэ кортамо» студенттнэнь марто Неть читнестэ Н. П. Огарев лемсэ МГУ-нь Раськень культурань институтонь студенттнэ вастовкшность вузонь прядыцянть, специальной военной операциянь ветеранонть Сергей Царев марто. Сон ютавтсь «Эрявикстэ кортамо». Мероприятиясь мольсь «Служу Отечеству» весероссиянь патриотической акциянть лувсо, конань ютавтызе Мордовия Республикава «Защитники Отечества» Государственной фондонь филиалось. Сергей Царев, 2024 иестэ «Актерское мастерство» специальностенть коряс Раськень культурань институтонть прядомадо мейле, срочной службанть шкасто арсесь-тейсь ды тусь Белгородской областев, СВО-нь ютавтома таркатнес, косо топавтсь икелензэ путозь боевой вешематнень. Служась артиллерийской войскатнесэ расчетонь номерэкс. Сонзэ туртов невтемакс ульнесь Максим Царев лелязо, конась васенце читнестэ саезь сермадстсь контракт ды тусь СВО-в. 2025 иестэ кудов велявтомадо мейле Сергей ушодсь роботамо специальностень коряс, кармась Эрзя-мокшонь драматической театрань артистэкс. А пек умок сон налксизе прявт рольтнестэ вейкенть «СВОИ. Настоящие» премьерной спектаклясонть, косо невтизе Максим лелянзо образонть. Спектаклянь сюжетэсь путозель алкуксонь тевтнень коряс: Ногинскойстэ школасо тонавтницянть пельде сермась, конась лездась Максим Царевнень цидярдомс службасо стакачитнень, ды седе тов сон вастовкшнось се тейтерьканть марто. Те историясь, конанть Сергей невтизе сцена лангсо, кандсь спектаклянтень покш содавиксчи. Студенттнэнь марто вастовомсто Сергей Царев евтнесь фронтсо эрьва чинь эрямодонзо, невтсь передовойстэ фотографият ды евтнесь Сашка лемсэ кискинеденть, конанть вастызе фронтсо. Од ломантненень арсесь уцяска, мелест-арсемаст топавтома ды кармавтынзе мездеяк а пелемс. «Истямо вастовоматне кандыть покш лезэ од ломантнень патриотической лувсо трямосо-кастомасо. Сынь кармить содамо, мезе те мужествась, Тиринь масторонтень вечкемась, ломаннень лездамось», – кортась Мордовия Республикава «Защитники Отечества» Госфондонь общественной проекттнэнь коряс руководителень полавтыцясь Александр Горюнов. Фотось «Защитники Отечества» Госфондонть.