Максови психологической лезкс✅✅✅
Максови психологической лезкс✅✅✅ «Защитники Отечества» Государственной фондось одкстомты-паролгавты специальной военной операциянь ветерантнэнь ды семияст туртов психотерапевтической лезксэнь максоманть коряс роботанть. Ветерантнэнь ламочист, конат ютасть фондсонть психологической консультирования, кассь 12% (2024 иестэ) саезь 25% (2025 иестэ). «Психологической лезксэнь максомась – те лезксэнь максомань сехте эрявикс енкстнэстэ вейкесь. Кодаяк а нолдама сень, ветерантнэ ды малавиксэст а кадововольть ськамост эсь ризнэмаст-пиштевтемаст марто, сынь чарькодевельть, вакссост улить специалистт, конатне куш кодамо шкасто анокт тенст лездамс. Секскак фондось эсь важодеманзо лади истя, штобу психологической лезксэнь максомань системась явоволь эрьвантень – филиалсонть васень консультациясто саезь пек стака шкасто профильной специалистэнь кедьсэ консультациянь максоманть видьс», – кортась статс-секретаресь – «Защитники Отечества» фондонь председателесь, РФ-нь оборонань министрань полавтыцясь Анна Цивилева. Мордовиясо «Защитники Отечества» Государственной фондонь филиалонть лезксэнзэ вельде вановт алов саезельть СВО-нь 700 ламо ветерант ды Геройтнень 1200 ламо малавиксэст. Бути эряви, психологтне ардыть муниципальной районтнэва ды ветить прием тосонь Тиринь масторонь ванстыцятнень ды малавиксэст марто: весемезэ специалисттнэ важодемань коряс 22-ксть ульнесть республикань 12 районтнэсэ: Инсаронь, Чаунзань, Атюрьевань, Краснослободскоень, Дубенкань, Отяжелень, Рузаевкань, Ромодановань, Покш Игнатовань, Теньгушевань, Орданьбуень ды Ковылкинань. Ютавтозельть очной башка консультацият 200 ламо ломантнень туртов. Неть консультациятнеде мейле психологось важоди дистанционна целевой группа марто – ютавтозельть 300 ламо истят консультацият. «Российский Красный Крест» Мордовской республиканской отделениянть марто важодеманть лувсо 2025 иень сентябрясто саезь тевс нолдави «Ментальное здоровье – основа благополучия в обществе» проектэсь. Сон алтави СВО-нь ветерантнэнь ды родняст-раськест ментальной шумбрачист ванстомантень-паролгавтомантень, ютксост эйкакштнеяк. Проектэнть тевс нолдамонзо перть психологической реабилитация ютасть 100 ламо ветерант, 120 ламо малавиксэст ды 60 ламо эйкакшост. Мордовия Республикава Государственной фондонь филиалось истя жо мель яви ветерантнэнь психологической реабилитациянть енкссо эрьва кодамо практикатненень, невтемга, пет-терапиясь (лишме ды псака марто шкань ютавтомась). Истямо енксось лезды седе куроксто кемекстамс шумбрачинть. Истя жо «Защитники Отечества» фондось ды Россиянь Трудонь Героенть докторонть Денис Проценконь командась тевс нолдызь СВОИРОДНЫЕ.РФ проектэнть. Сон алтави СВО-нь ветерантнэнь ды малавиксэст туртов психологической ды социальной лезксэнь максомантень. Платформасонть совавтозь чарькодевикс ды универсальной сценарийть ды кортнемань модульть. Квалифицированной специалисттнэнь вийсэ анокстазь материалтнэнь вельде чарькодевиксстэ максови лезкс сеть стакачитнестэ, конатнень марто вастневить спецоперациянь участниктне демобилизациядо мейле. Фотось «Защитники Отечества» Госфондонть.