Стявтсть кеврунго
Стявтсть кеврунго Инсар ошонь Изнямонь скверсэ панжсть кеврунго, конась алтави специальной военной операциянть шкасто маштовозтненень – Инсаронь моданть лангсо чачозтненень. Мероприятиясонть ульнесть муниципалитетэнь представительтне, боевой действиятнень ветерантнэ, геройтнень семиятне ды тосонь эрицятне. Васняяк пурнавозтне чатьмонемань минутасо ледстизь чавовозь воинтнэнь. Панжомань церемониянть лувсо «Участнику специальной военной операции» медальсэ (куломадо мейле) казевсь Дмитрий Владимирович Максимов. Казнесь максозель тетянстэнь – Владимир Иванович Максимовнень. Мемориалонть панжизь Инсаронь райононь прявтонь тевтнень нурька шкас топавтыцясь Александр Пронин ды МР-нь Тиринь масторонь воинтнэнь семиятнень комитетэнь райононь филиалонь председателесь, СВО-нь таркатнесэ маштовицянть авась Лариса Максимова. Меельцекс кеврунгонтень весе пурнавозтне путсть цецят.