Мордовиянь писательтне ульнесть Юграсо
Мордовиянь писательтне ульнесть Юграсо Ханты-Мансийск ошсо ютась финнэнь-угрань писательтнень IV-це конференциясь. Сон алтавсь Россиянь раськетнень кельтнень чинтень, конань кемекстызе Россиянь Президентэсь. Промксонь прявт темакс кармась – «Малая родина: изучение локальной идентичности». Конференциянтень сакшность писательть, кельстэ кельс ютавтыцят, книгоиздательть ды исследовательть Мордовиясто, Удмуртиясто, Марий Элстэ, Карелиясто, Комистэ, Пермень крайстэ, Ямало-Ненецкой, Ханты-Мансийской автономной округтнестэ ды ламо лия енкстнэстэ. Мордовиясто промксонтень якасть Россиянь Писателень союзонь минек региононь отделениянь правлениянь прявтось Татьяна Швецова, «Якстерь тяштеня» журналонь прявт редакторось Вера Брындина ды поэтэсь Татьяна Ломова. Конференцияс пурнавозтне кортасть кельтнень ды культуранть ванстомасо ловноманть таликадонзо, од автортнэнь туртов литературной мастерскойтнеде, ютавтозельть авторской правань коряс семинар, писательтнень марто творческой вастовомат, од книгань презентацият, од литератортнэнь ютксо «Поэтической дуэльть». Мордовиянь писательтне невтизь пряст «Югорская книга – 2026» конкурссонть. Дубенкань райононь поэтэсь Светлана Фадейкина «Байгинеть» книганть кис лиссь изницякс «Лучшая книга на финно-угорских языках» номинациясонть. Татьяна Мокшановань стихензэ совавтозь «Эринтур» Югрань писательтнень литературно-художественной альманахонтень.