✅✅✅Течи Мордовия Республикань Госсобраниянь одкстомтозь покш залсонть ютавтовсь кавксоц...
✅✅✅Течи Мордовия Республикань Госсобраниянь одкстомтозь покш залсонть ютавтовсь кавксоце тердемань васенце сессиясь. Сон панжовсь аволь умок ютавтозь кочкамонь итогтнень теемасто, сындест пачтясь МР-нь ЦИК-нь Председателесь Александр Косов. Сессиясонть ульнесь кочказь МР-нь Прявтось Артем Здунов. Седе тов ванкшновсть организационной кевкстематне: кочказель МР-нь Госсобраниянь Председатель, депутаттнэ максызь вайгелест Владимир Чибиркинэнь кис, кемекстазельть сонзэ полавтыцятне, Комитетэнь прявттнэ ды комиссиятнес совицятне. Ней кармить важодеме сисем комитетт ды колмо комиссият. Сессиясонть истя жо кемекстазель МР-нь Госсобраниянь Советэсь. Мордовиянь Государственной Собраниянь Председателенть Владимир Чибиркинэнь мереманзо коряс кочказь колмо полавтыцят. Неть: Сергей Вдовин, Наталья Долматова, Анатолий Гулин. Седе домкасто теде ловнодо минек газетань сы номерсэнть.