Лездасть «сэнь толонь» ветямосо
Лездасть «сэнь толонь» ветямосо Кочкуровань райононь Булгакова велесэ догазификациянь программанть лувсо газонь сеттнес совавтызь СВО-нь участникенть дованзо Динара Евдокимовань кудонть. «Сэнь толонть» кудонтень ветямга границятнень видьс ды участкаванть путозельть трубат, аравтозельть распределительной пункт, уштомань котел, ютавтозь газонть ловомань прибор. – Мордовиясь – догазификациянь президентской программань эряза участник. Республикань эрицятнень пельде саезельть 7,8 тежадо ламо яволявтомат, юткстост 7,3 тежадо ламотне уш топавтозь – газопроводтнэ ветязь участкатнень границятнес, 6,4 тежадо ламо кудотнесэ «сэнь толось» уш ули. Те тевсэнть башка мель явови специальной военной операциянь участниктненень ды сынст семиятненень, – тешкстась «Газпром газораспределение Саранск» АО-нь генеральной директорось Владислав Портнов.