Тиринь масторонтень вечкемась ютась покштянзо пельде
Тиринь масторонтень вечкемась ютась покштянзо пельде «Герои среди СВОих» программань финалистэсь Дмитрий Демидов малав ие важоди МР-ва Федеральной налоговой службань Управлениясо прявтонь лездыцякс. Проектэсь, конась тевс совавтови республикань Прявтонть ушодксонзо коряс, СВО-нь ламот участниктнень туртов кармась кадрань лифтэкс. Дмитриень туртов апелемачинь ды героизмань примерэкс свал ульнесь бодязо – Анатолий Степанович, конась 17 иесэ туекшнесь фашисттнэнь каршо тюреме. Казезель Отечественной войнань II степенень орденсэ, «За победу над Германией» ды «За победу над Японией» медальтнесэ. Дмитрий икеле важодсь юриспруденциянь енкссонть. 2017 иестэ лиссь пенсияс ды зярыя иеде икеле семиянзо марто сась Мордовияв. Украинасо военной тевтне Дмитриень эзизь кадо мельтемекс. Бодянзо примерэнть прясонзо кирдезь, сон, ниле эйкакшонь тетясь, эсь олясо тусь СВОв, служась Запорожской енкссонть. Боевой задачатнень парсте топавтоманть кис церантень максовсь «Доброволец СВО» ведомственной казнесь. Тосто велявтозь, Дмитрий Демидов тонавтнесь «Время Героев» федеральной программанть коряс, седе тов участвовась «Герои среди СВОих» региононь проектсэнть. «Ней мон кеман эсень лангс, эште улить виень максомс лезкс обществантень. Минек преподавателекс ульнесть Правительствантень совицятне, администрациянь прявттнэ – превей, ламонь содыця ломантне. Мартонок вастневсь Мордовиянь Прявтось Артем Здунов. Тонавтнеманть ледстнян лембестэ, сон тень макссь пек ламо. Покш мель явозель коллективенть марто роботантень, содамочитнень кастомантень. Минек тонавтсть а пелемс саемс эсеть лангс ответственность, штобу ломантне неест решениянь примамонтень тонь анокчить. Ули мелем арсемс СВО-нь ветерантнэнень муемс эсь тарканть сэтьмечинь эрямосонть. «Герои среди СВОих» Кадрань программась панжсь аволь аламо ероков ломанть, конатне неень шкасто мельспаросо важодить республиканть лезэс», – тешкстась Дмитрий Демидов.