Тиринь масторонь ванстыцятнень семиятнеде мелявтозь
Тиринь масторонь ванстыцятнень семиятнеде мелявтозь Мордовия Республикава «Защитники Отечества» Госфондонь филиалось полады эсь паро тевензэ – мелявтомс Тиринь масторонь ванстыцятнень семиятнеде. Социальной координатортнэнь лезксэст вельде маштовозь геройтнень ды ветерантнэнь семиятне вадрялгавтыть шумбрачист кода республикасо, истя жо сонзэ томбале. «Алатырь» санаториясо витизь шумбрачист специальной военной операциянь таркатнесэ маштовозь участниктнень аваст. Неть: Чаунзань районсто – Елена Кокнаева ды Саранскойстэ – Варвара Ивановская. Культурно-досуговой программанть лувсо Варвара Васильевнань туртов теезель экскурсия Покш Болдина велесэ А.С. Пушкин лемсэ Государственной литературно-мемориальной ды природной музеев-заповедникев. Беларусь Республикань «Вяжути» санаториясо оймсесть Дубенкань райононь боевой действиянь ветеранось Александр Вантяйкин ды низэ Оксана. Мирдентень-нинтень пек тусть мельс тосонь условиятне, пертьпельксэсь, лецямось ды андомась. «Вольгинский» санаториясо вадрялгавтызь шумбрачист боевой действиянь ветеранось Илья Куняев Мария нинзэ марто. Путевканть максомга тенст лездась Дубенкань районга социальной координаторось Марина Герасимова. «Нефтяник» оймсема таркасонть шумбрачинзэ кемекстызе Саранскойстэ маштовозь военнослужащеенть авазо Валентина Лебедева. А вана «Саранский» санаториясо санаторно-курортной лецямо максовсь Саранскойстэ СВО-со маштовозенть аванстэнь Нина Пойлованень ды специальной военной операциянь таркатнесэ маштовозь Покш Игнатовань райононь церанть аванстэнь – Анна Бочкареванень.